Yevropada yozgi transferlar davom etmoqda.
Federiko Keza, «Fiorentina»
Transfermarkt bo‘yicha narxi – 60 mln yevro
Bu qaysar qanot hujumchisi Krishtianu Ronalduning yoshligini eslatib yuboradi. U darvoza tomon ko‘p zarba beradi, raqib bilan to‘p uchun kurash vaqtida osonlik bilan yiqiladi, ikki-uch raqib qarshisida dribling ishlatishga kirishadi va ba’zida nozik paslari bilan hayratga soladi. To‘g‘ri, «Fiorentina»ning juda yomon o‘tgan mavsumi uning statistikasiga ham salbiy ta’sir ko‘rsatdi: bir mavsumda atigi 10 gol va bir uzatma. Bu kam, ammo uni sheriklari qo‘llab-quvvatlashmadi.
Florensiyaliklar A Seriyaning so‘nggi 14 uchrashuvida bitta ham g‘alabaga erisha olmadi, jamoa ikkinchi mavsumda faqat ikki o‘yinda g‘alaba qozondi va natijada mavsumni 16-o‘rinda yakunladi. Bunday jamoada porlashning imkoni yo‘q, ammo Kezaga alohida e’tibor qaratilmoqda. Birinchi navbatda «Yuventus» tomonidan. Italiya terma jamoasi a’zosi bo‘lgan bu 21 yoshli futbolchiga «PSJ», «Napoli», «Inter» va «Tottenhem» ham talabgor.
Sergey Milinkovich-Savich, «Latsio»
Transfermarkt bo‘yicha narxi – 65 mln yevro
«Latsio» prezidenti Klaudio Lotito murosa qilmoqchi emas: «Milinkovich-Savich? Faqat bir gapni aytishim mumkin, u sotilmaydi. Ammo yana bir gap aytishim mumkin, agar biz chindan ham yaxshi taklif olsak, unda bu masalani futbolchi bilan muhokama qilamiz». Bu Lotitoga xos tadrijiylik.
Serbiyalik futbolchiga bir necha katta klublardan qiziqish mavjud. Pol Pogba uchun o‘zaro raqobatlashayotgan «Real» va «Yuventus» Sergeyni zaxira variant sifatida belgilab olishgan. Uning o‘yinlarini kuzatib kelayotgan yana bir katta klub esa – «Manchester Yunayted».
U avvalgi mavsumda kashfiyotga aylangandi, ammo o‘tgan yil yozida rimliklar klubi rahbariyati uni 90 million yevroga ham sotmagandi, yakunlangan mavsumda esa u o‘sishdan to‘xtadi. Ammo bu markaziy yarimhimoyachi hamon jismoniy jihatdan ustunliklarga ega va «Latsio»ning asosiy futbolchisi. U ikkinchi qavatda yaxshi harakatlanadi, a’lo darajadagi driblingga ega va uzatmalari sifatli. Qolaversa, ushbu serb katta o‘yinlarda o‘zini yo‘qotib qo‘ymaydi.
Aynan u Italiya Kubogi finalida gol urib, «Latsio»ga g‘alaba keltirgandi. O‘shanda Milinkovich-Savich o‘yin oxirida zaxiradan maydonga tushgandi. U maydonda barcha ishni qila oladi, faol harakatlanadi – skautlar uni Pol Pogbaga muqobil variant sifatida ko‘rishi bejiz emas. U «Latsio»da uzoq vaqt qolmasligi aniq.
Duvan Sapata, «Atalanta»
Transfermarkt bo‘yicha narxi – 40 mln yevro
Baquvvat, beso‘naqay va hech qachon o‘yin intellekti bilan ajralib turmagan bu hujumchi hamisha murakkab futbol o‘ynatadigan Jan Pero Gasperini qo‘li ostida bunday o‘sishga erishishni tasavvur qilish qiyin edi. Ammo «Atalanta» skautlari nimanidir bilishgan: «Sampdoriya»da asosiy tarkib a’zosi bo‘lmagan bu kolumbiyalik uchun 14 mln yevro to‘langan, Bergamodagi kichik klub uchun katta pullar. Ammo afsuslanishmadi.
Sapata A Seriya o‘yinlarida 23 gol urdi va 7 golga uzatma berdi, u jamoa o‘yiniga moslashib ketdi: kerak vaqtda pressing ham qildi, kerak vaqtda ochiq zonalar izladi, himoyaga ham yordam berdi. Qishdayoq unga talabgorlar navbati paydo bo‘ldi, avvaliga «Inter», keyin Dortmundning «Borussiya» klubi taklif bilan chiqdi, unga sobiq jamoalaridan biri «Napoli» ham qiziqish bildirmoqda, ammo «Atalanta» uni tarkibda saqlab qolishni istamoqda.
Klub tarixida ilk marta Chempionlar ligasiga chiqqani hisobga olinsa, bu futbolchini qo‘lga kiritishni istagan klub ancha xarajat qilishiga to‘g‘ri keladi - bergamoliklar YeChLda katta mablag‘ ishlab olishi tayin va osonlik bilan hujumchisini qo‘yib yubormaydi. Bunday vaziyatda oxirgi so‘zni futbolchining o‘zi aytadi.
Lorenso Insine, «Napoli»
Transfermarkt bo‘yicha narxi – 65 mln yevro
Insine Mauritsio Sarri tufayli yulduz futbolchiga aylangandi. Bu vinger uch mavsum davomida barqaror o‘yin ko‘rsatdi, u «gol+pas» tizimida har mavsum ikki xonadan iborat raqamli ko‘rsatkichlar qayd etmoqda va «Napoli» hujumidagi asosiy futbolchi sanaladi. Ammo Karlo Anchelotti kelgach uning ishlari avvalgidek yurishmay qoldi.
«Napoli» endi boshqacharoq o‘ynay boshladi, qisqa uzatmalar orqali hujumga o‘tishdan voz kechildi, Anchelotti yo‘lga qo‘ygan futbolda Insinening tezlik bilan raqib futbolchisi ortiga o‘tib olish mahoratiga ehtiyoj yo‘q.
U so‘nggi mavsumda boshlang‘ich tarkibda faqat 24 o‘yinda maydonga tushdi, ammo u ko‘prog‘ini istaydi. Barchasi klub prezidenti Aurelio De Laurentisega bog‘liq. U bu futbolchisini 100 mln yevrodan kamiga qo‘yib yubormoqchimas – ammo bu hozirgi narxlar bo‘yicha ham Italiya chempionatidagi futbolchi uchun qimmatlik qiladi.
Unga «Liverpul»dan qiziqish bor: Yurgen Klopp unga bu futbolchining o‘yini yoqishini tan olgan, ammo uni tumanli albionga olib ketish qiyin bo‘ladi. Shuningdek, «PSJ» va «Chelsi» ham bu futbolchini ko‘z ostiga olib qo‘ygan. Ammo har qanday holatda ham «Napoli» murabbiy rejalarida muhim o‘rin tutmagan futbolchining narxini tushirishga majbur bo‘ladi.
Xolid Kulibali, «Napoli»
Transfermarkt bo‘yicha narxi – 75 mln yevro
Mauritsio Sarri davrida yulduzga aylangan yana bir futbolchi. Senegallik himoyachi hamisha o‘zining jismoniy ko‘rsatkichlari bilan yaxshi baholangan, ammo Sarri qo‘l ostida uning o‘yinni o‘qiy olish xususiyatlari o‘sdi va u sifatli paslar berishni o‘rgandi. Hozirda u yuqori darajadagi markaziy himoyachiga aylangan, unda to‘p nazoratiga asosiy e’tiborini qaratadigan klub uchun kerak bo‘lgan barcha funksiyalar mavjud. Italiya nashrlariga ko‘ra uning o‘zi ham «Napoli»dan kuchliroq klub safida kuchini sinab ko‘rishga qarshi emas.
Yana gap klub egalarida. De Laurentis uni sotishga qarshi. Qishda «Barselona»dan transfer bo‘yicha so‘rov kelgandi — «Napoli» faqat 120 mln yevrodan ortiq bahoga ega takliflarni ko‘rib chiqishini ma’lum qilgan. Angliyadagi nashrlar esa «MYu» 100 mln yevro taklif qilib, rad javobi olganini yozgan. Bu yozda manchesterliklar yana bir bor urinib ko‘rishmoqchi. Ammo Kulibalida yana bir variant bor.
«Yuventus»ga ham yangi markaziy himoyachi kerak. Turindagilar «Napoli»ning eng yaxshi futbolchilarini safiga qo‘shib olish bo‘yicha tajribaga ega, Sarri bu jamoaga kelishi esa futbolchi transferini osonlashtirishi mumkin. Turindagi Tuttosport nashri klubdagi manbasiga asoslanib xabar berishicha, Kulibali «Yuventus» short-listida Matteys de Ligt bilan birinchi o‘rinni bo‘lishib turibdi.
Manba: Kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Dunyoning mashhur ayollari kunni qanday boshlaydi?
Omega-3 qanday qilib ozishga yordam beradi?
Turkiya Isroil prezidenti samolyotini havo hududiga kiritmadi
Shimoliy Koreya Rossiyaga uzoqqa zarba beruvchi qurollar yubordi
Kim Chen In harbiylarni jangovar holatda turishga chaqirdi
Rashida Tolib Kongress a’zolariga «achchiq haqiqat»ning suratini ko‘rsatdi
Eron AQSHdan 1 trln dollar kompensatsiya talab qildi
