Vodiy derbisi oldidan taniqli mutaxassis Ravshan Haydarov o‘z fikrlari bilan o‘rtoqlashdi.
Bugun Superliganing 17-turi doirasida yana uchta o‘yin o‘tkaziladi va shu bilan mazkur turga ham yakun yasaladi. Yashirishning hojati yo‘q, bugun ko‘pchilikning diqqat-e’tibori Andijondagi «Sog‘lom avlod» stadioniga qaratiladi. Boisi, vodiy derbisi nomi ostida «Andijon» yon qo‘shnisi – «Navbahor»ni qabul qiladi.
Ushbu jamoalarning birinchi davradagi uchrashuvi ham juda shiddatli, hissiyotlarga boy tarzda kechgandi va o‘shanda g‘olib nomi aniqlanmagandi – 1:1. Buning ustiga uchrashuvdan oldin ikkala jamoaning muxlislari o‘zaro do‘stlik va birdamlik rishtalarini mustahkamlash maqsadida bir piyola choy ustida yaqin munosabatlarini mustahkamlagan holda bir-birlariga omad tiladilar.
Andijonda o‘tadigan bahsda ham o‘yin «harorati»ning yuqori darajasi kuzatilishi kutilmoqda. Buning ustiga andijonliklar ikkinchi davrani ko‘tarinki ruhda boshlashdi va hali Superliganing ikkinchi davrasida mag‘lubiyatga uchrashgani yo‘q. Namanganliklarda esa vaziyat aksincha tus olmoqda. Ular ikkinchi davrada hali g‘alaba qozonishgani yo‘q. Ikkala jamoani faqat g‘alaba qoniqtiradigan bunday o‘yinlar esa ishonamizki, chempionatimizning jozibasini yanada oshira oladi.
Shuning uchun ko‘plab mutaxassislarning ham e’tibori vodiy derbisiga qaratilmoqda. O‘zbekiston olimpiya terma jamoasi murabbiyi, taniqli mutaxassis Ravshan Haydarov ham «Andijon» hamda «Navbahor» jamoalari o‘rtasidagi uchrashuvga katta qiziqish bilan qaramoqda. Shu sababli Ravshan Akmalovich mazkur derbi oldidan o‘zining fikrlari bilan o‘rtoqlashdi.
- Albatta, vodiy derbisi doirasidagi «Andijon» hamda «Navbahor» jamoalari o‘rtasida juda qiziqarli o‘yin bo‘lishi kutilmoqda, - deya gap boshladi, Haydarov. - Masalan, andijonliklar ikkinchi davrani yaxshi boshlashdi va oxirgi turda safardagi g‘alabadan keyin ularning ruhiy holati yaxshi. O‘ylaymanki, mezbonlar ushbu uchrashuvga har tomonlama yaxshi holatda yetib kelishdi.
«Navbahor»da esa aksincha vaziyat bo‘ldi. Oxirgi o‘yinlarda namanganliklar o‘zlari kutgan natijalarga erisha olishmayapti. Lekin «Navbahor» mavqeini to‘g‘rilash, «Andijon» esa o‘rnini yanada mustahkamlash uchun harakat qiladi. Shuning uchun ham vodiy derbisi hujumkor va qizg‘in tarzda kechadi.
Bu chinakam derbi! Ikkala jamoalar o‘rtasidagi to‘qnashuvlar har doim o‘ta keskin hamda murosasiz ruhda o‘tgan. Ishonamanki, bu safar ham muxlislarga yoqadigan, chiroyli o‘yin bo‘ladi.
Imkoniyatlarga kelsak, bu borada ikkala jamoaniki teng. To‘g‘ri, bugungi kunga kelib «Andijon» jamoasi ko‘tarinki ruhda bo‘lishi mumkin. Ammo «Navbahor» omadsizlikka uchrayotgan bo‘lsa-da, ularning o‘yinlarida mazmun va hujumkorlik ko‘rinib turibdi. Ayniqsa, ularga oxirgi nuqtani qo‘yishda aniqlik yetishmayapti. O‘ylaymanki, bugun ham «Navbahor» o‘z oldiga faqat uch ochkoni qo‘lga kiritish uchun maydonga tushadi. Muxlislari oldida mehmonlar ham o‘zlarini ko‘rsatishga harakat qilishadi. O‘z navbatida «Andijon» jamoasi ham o‘z uyida minglab ishqibozlari qarshisida g‘alaba uchun borini beradi. Menimcha, bunday paytda jamoalarning imkoniyatlarini 50x50 baholay olaman, - deya fikr bildirdi, Haydarov.
Shuhratbek Jo‘rayev
Manba: Sports.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Toshkent markazidagi ko‘chalardan birida asfalt o‘pirilib tushdi
Toshkentda pullarni ko‘paytirib berishini aytib, fuqaroni chuv tushirgan treyder ushlandi
AQSHda Zelenskiy ukrainaliklardan nimani yashirayotgani oshkor etildi
Hamid Sodiq: “Agar qonunlar ishlamasa, qonunlarning vazifasini korrupsiya bajarishni boshlaydi”
May oyida kutilayotgan ob-havo ma’lumoti taqdim etildi
Makron Yevropaga tahdid solayotgan uchta xavf haqida gapirdi
Xokkey bo‘yicha O‘zbekiston terma jamoasi "U-18 Osiyo-Okeaniya chempionati" g‘olibi bo‘ldi
