Shahobiddin Zoirov chorak final yo‘llanmasini qo‘lga kiritdi

Rossiyaning Yekaterinburg shahrida boks bo‘yicha JCh bahslari o‘zining qizg‘in pallasiga kirib bormoqda.

-52 kg vazn toifasida yurtimiz sharafini himoya qilayotgan Shahobiddin Zoirov 1/8 final bosqichi doirasida qirg‘izistonlik Azat Usenaliyevga qarshi ringga ko‘tarildi. Mazkur jang hakamlar qaroriga ko‘ra, hamyurtimizning g‘alabasi bilan yakunlandi.

26 yoshli bokschimiz chorak finalda bolgariyalik Daniyel Asenovga qarshi jang qiladi. Mazkur qarama-qarshilik ertaga bo‘lib o‘tadi. “Zamin”ni Telegramʻda oʻqing!