Million dollarlik gollar muallifi...

Bugungi kunda dunyo bo‘yicha eng mashhur va eng boy sport yulduzlaridan biri bu- futbolchi Lionel Messi hisoblanadi. U bugungi kunda "Barselona" jamoasida to‘p suradi va uning muxlislari dunyoning har bir burchagidan topiladi. Hozirda Messi to‘p surayotgan "Barselona" jamoasi u bilan yiliga 84 million dollarlik shartnoma imzolagan.

L. Messi asli o‘zi Argentinalik bo‘lib, 13 yoshida Barselonaga ko‘chib kelgan va ilk bora 16 yoshida "Barselona" jamoasi nomidan maydonga tushgan. Joriy yilning mart oylarida Messining umumiy jamg‘armasi 400 million dollardan ziyod deb baholanadi. 2016 yilda u daromad solig‘i bo‘yicha biroz muammolarga duch keldi.

2007-2009 yillar oralig‘ida uning soliq hujjatlarida biroz muammo yuzaga kelgan va qamoqqa tushgandan ko‘ra Messi bo‘ynidagi soliqni to‘lashni afzal ko‘rgan. Yuqorida qayd etilgan yillardagi soliq muammosi yuzasidan u 288 ming dollar jarima to‘lagan.

Ma’lumot tarzida shuni aytib o‘tishimiz kerakki, Messi dunyoga mashhur Adidas kompaniyasi bilan yiliga 12 million dollarga bir umrlik bitim imzolagan. Bundan tashqari, u Gatorade, Pepsi va boshqa bir qator Xitoy kompaniyalari bilan ko‘pgina boshqa bitimlar imzolagan.

Money.com xabariga ko‘ra, Messining Adidas kompaniyasi bilan ijtimoiy tarmoqlarni qo‘llab-quvvatlash bitimi 2016 yilda kompaniyaga 53,5 million dollar daromad keltirgan va har bir qo‘yilgan xabar uchun o‘rtacha 3,6 million dollar foyda ko‘rilgan. Eng mashhur va million dollarlar egasi bo‘lgan L. Messi atigi 31 yoshdadir. Ajabmas, kelgusida u Forbes'ning milliarderlari ro‘yxatidan joy olsa. “Zamin” yangiliklarini “Odnoklassniki”da kuzatib boring