Ronaldoning "Inter"dan ketishiga Kuper sababchi bo‘lgani rostmi?

Braziliyalik afsonaviy hujumchi Ronaldo nega "Inter"dan ketgani haqida aytib o‘tdi.
“Men “Inter”da baxtli edim. Muxlislar meni judayam kuchli qo‘llab-quvvatlashardi. O‘shanda murabbiy Kuper edi va men u bilan ishlay olmadim. O‘shanda men rahbariyatga meni yoki murabbiyni tanlash shartini qo‘yganman.
O‘shanda mening “Inter”dagi faoliyatimga yakun yasalgan. Klub o‘shanda Kuperni olib qolishni tanlagan”, - deydi Ronaldo.

Ma’lumot uchun, Ronaldo 1997-2002 yillarda “Inter”da to‘p surgan va 98 ta o‘yinda maydonga tushib raqiblari darvozasiga 59 ta gol urgan.
Eslatib o‘tamiz, Ektor Kuper 2018-2019 yillarda O‘zbekiston milliy terma jamoasini boshqargan. “Zamin”ni Telegramʻda oʻqing!