Mirazizbek Mirzaxalilovning chorak finaldagi raqibi yengilmas professional bokschi bo‘ladi

Mirazizbek Mirzaxalilov Iordaniyada davom etayotgan litsenzion turnirning chorak finalida Gonkong vakili So Sing Yu ga qarshi ringga chiqadi. E’tiborlisi, u professional bokschi bo‘lib (hozir faoliyatda emas) So Rex nomi bilan tanilgan va professional ringda 22 jang o‘tkazib barchasida g‘alabaga erishgan. Shulardan 13 tasida raqiblarini nokautga uchratgan. Ko‘plab 2-darajali kamarlarni qo‘lga kiritgan.

Biroq, So Sing Yu so‘nggi professional jangini 2017 yilda o‘tkazgan. 2019 yilda havaskor boksda 2 ta jang o‘tkazib, ikkalasida ham mag‘lub bo‘lgan. Shulardan birida nokautga ham uchragan.

Eslatib o‘tamiz: Hamyurtimiz ilk jangida hindistonlik raqibini mag‘lub etib, chorak finalga yo‘l olgandi.