Bundesliga qachon boshlanishi rasman e’lon qilindi

Germaniya rasmiylari Bundesliganing may oyining ikkinchi yarmida tiklanishini rasman ma’qulladilar.
Bunday holda, liganing o‘zi birinchi uchrashuvlar o‘tkaziladigan sanani tanlashi kerak bo‘ladi. Bu 15 may yoki 22 may kuni sodir bo‘ladi, ammo "Sport Bild" xabariga ko‘ra, chempionatning 15 mayda tiklanish ehtimoli yuqori.

Germaniya kansleri Angela Merkel ishtirokidagi vazirlar uchrashuvi doirasida maktablarni va maktabgacha ta’lim muassasalari ishidan ko‘ra chempionatni tiklash masalasi uzoqroq muhokama qilingani aytilmoqda.

Bremen shahri vakili esa mahalliy "Verder" jamoasi bunga hali tayyor emasligini aytib, futbol o‘yinlarini erta tiklanishiga qarshi chiqdi.
Birinchi Bundesliga va Ikkinchi Bundesliga uchrashuvlari 26-turdan boshlab davom ettiriladi. Jumladan, bellashuvlar Dortmundning "Borussiya" va "Shalke-04" jamoalari o‘rtasida derbidan davom ettiriladigan. Shu o‘rinda, barcha o‘yinlar tomoshabinlarsiz o‘tkazilishini ta’kidlash joiz.

Payshanba kuni mamlakatning ikkita yuqori divizionida ishtirok etuvchi 36 klub o‘zaro yig‘ilish o‘tkazadi. Unda mavsumni qayta boshlash bo‘yicha yakuniy reja ishlab chiqiladi. “Zamin” yangiliklarini “Twitter”da kuzatib boring