La Liga. «Barselona» safarda «Malorka»ga javobsiz 4 ta gol urdi (video)

^{Foto: Goal}
Futbol bo‘yicha Ispaniya La Ligasining 28-turida «Barselona» 13 iyun, shanba kuni «Malorka» maydoniga safar qildi.
Koronavirus tufayli yuzaga kelgan tanaffusdan keyingi ilk o‘yinni katalonlar o‘z foydasiga hal qila oldi. Uchrashuvning 2-daqiqasida Arturo Vidal hisobni ochdi. 37-daqiqaga kelib Martin Breytueyt mehmonlarning ikkinchi golini urdi.

79-daqiqada Xordi Alba hisobni yirik ko‘rinishga olib keldi. Hakam tomonidan qo‘shib berilgan vaqtda Lionel Messi yakuniy hisobni o‘rnatdi.

Mazkur g‘alabadan keyin «Barselona» ochkolarini 61 taga yetkazib oldi va ushbu turda hali o‘ynamagan «Real»ni (56) besh ochkoga ortda qoldirmoqda.

pic.twitter.com/IOuRrp4O7K

— Shukhrat (@bankir2102) June 14, 2020

Shuningdek, «Espanol» «Alaves»ni qabul qilib, Bernardo Espinosa va U Leyning gollari evaziga g‘alabani qo‘lga kiritdi. «Vilyarreal» esa Manuel Trigerosning 91-daqiqadagi golidan so‘ng «Selta»ni taslim etdi. «Leganes» o‘zida «Valyadolid»ga yutqazib qo‘ydi.

La Liga
28-tur bahslari
13 iyun, shanba

«Malorka» — «Barselona» 0:4
Gollar: 0:1 – 2 Vidal, 0:2 – 37 Breytueyt, 0:3 – 79 Alba, 0:4 – 90+3 Messi.
«Malorka»: Reyna, Sastre (Games, 46), Valent, Railo, Kubo, Poso, Dani Rodriges, Sevilya (Salibur, 84), Pedrasa (Baba, 57), Budimir (Pras, 85), Ernandes (Lago Junior, 46).
«Barselona»: ter Shtegen, Arauxo, Pike, Serxi Roberto (Semedu, 71), Alba, Buskets (Artur, 71), de Yong (Firpo, 84), Vidal (Rakitich, 46), Breytueyt, Messi, Grizmann (Suares, 57).
Ogohlantirishlar: Vidal (42), Alba (73), Dani Rodriges (86).

«Espanol» — «Alaves» 2:0
Gollar: 1:0 – 45 Espinosa, 2:0 – 47 U Ley.

«Selta» — «Vilyarreal» 0:1
Gol: 0:1 – 90+1 Trigeros.

«Leganes» — «Valyadolid» 1:2
Gollar: 0:1 – 2 Unal, 0:2 – 54 Alkaras, 1:2 – 84, penalti Oskar Rodriges. “Zamin” yangiliklarini “Vkontakti”da kuzatib boring