U ham Messi, ham Ronaldu bilan o‘ynashidan baxtiyor

“Barselona”dan “Yuventus”ga ko‘chib o‘tgan braziliyalik Artur Ramos zamonaviy futbolning eng kuchli ikki yulduzi – Lionel Messi va Krishtianu Ronaldu bilan birga o‘ynagan kam sonli futbolchilardan biriga aylanishidan baxtiyor.

- Men yana bir qudratli jamoada Ronaldu singari chempion bilan yonma-yon o‘ynash imkoniyaga ega bo‘ldim. Orzularim amalga oshmoqda. Men hali bosh murabbiy bilan maydondagi pozitsiyam haqida gaplashganim yo‘q. Pirloning qo‘l ostida to‘p surish menga faxr bag‘ishlaydi, - deydi Artur.

24 yoshli futbolchi La Ligada 21 ta uchrashuda 3 ta gol urdi. U Yevropa futbolida o‘z o‘rnini topishda yordam bergan “Barselona”ga ham o‘z minnatdorligini bildirdi. “Zamin”ni Telegramʻda oʻqing!