2 475
Baxtiyor Hamidullayev: "Yigitlar bilan jiddiy gaplashib olamiz. Futbolni bunday o‘ynab bo‘lmaydi"
Coca-Cola Superligasi 20-turidan o‘rin olgan "Bunyodkor"-"Andijon" (6:2) uchrashuvidan so‘ng mehmonlar bosh murabbiyi Baxtiyor Hamidullayev o‘yin haqidagi fikrlari bilan o‘rtoqlashdi.
"O‘yin haqida gapiradigan bo‘lsam, o‘yin boshida markaziy himoyachilarimiz bilan bog‘liq bo‘lgan ikkita qo‘pol xatolarimiz tufayli gollar bo‘ldi, shu sababli yigitlar o‘yin boshida ruhan sinib qolib, so‘ngra o‘zlariga kela olishmadi. Lekin o‘yinda bunday hisob bo‘lishini kutmagan edik, o‘yinga yaxshi tayyorgarlik ko‘rdik, lekin o‘yin boshidagi ikki gol yigitlarga ruhan ta’sir qildi deb o‘ylayman.
— Ikkita goldan keyin javob goli ham bo‘ldi...
— Yigitlarga savollar ko‘p, qayta ko‘rib chiqamiz, yigitlar bilan jiddiy gaplashib olishimiz kerak. Bunday o‘ynab bo‘lmaydi futbolni. Yigitlarning xayollarida "Andijon"ning eski o‘yin uslubi qolib ketgan shekilli. Buni chiqarishga uringandik, so‘ngi o‘yinlarda yaxshi natijalar qayd etayotgan edik, ammo bugun yigitlar o‘sha eski holatga qaytib qolgandek ko‘rindi.
— Bugun o‘yin tomonlama "Andijon"ning kuni emas ekan, desak bo‘ladimi?
— Ha, bo‘ladi. Ikkinchi darvozabonimiz ham jarohat olib maydonni tark etdi, uning o‘rniga Olimov darvozani qo‘riqladi. Bugun bizning kunimiz emas, desak ham bo‘laveradi.
— Darvozabon Eldor Adhamov nega maydonni tark etdi?
— O‘tkazib yuborgan gollarimizda Eldorning ham aybi bo‘ldi. 1-2 vaziyatda qutqarsa bo‘lardi. Eldor ham himoyachilarimiz kabi o‘tkazilgan gollarda aybdor.
— Aslan Axrorovning sog‘lig‘i yaxshimi?
— Holati yaxshi, oyog‘i sinmagan. Aslan biz bilan keyingi o‘yinlarga tayyorgarlikni davom ettiradi.
— "Andijon" bugun "Bunyodkor"ning pressingiga va hujumiga tayyor emasdek ko‘rindi...
— E’tibor qilgan bo‘lsangiz, "Bunyodkor"ning uchrashuvga tayyorlanish vaqti biznikidan bir kun kamroq bo‘lgan. Bizda dam olishga ham vaqt bo‘lgan, yaxshi tayyorgarlik ko‘rilgan edi, ammo birinchi o‘yin boshidagi ikki gol yigitlarni ruhan sindirib qo‘ydi, deb o‘ylayman. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
U23 Osiyo Kubogi yarim final bahsi. Yaponiya ikkinchi finalchiga aylandi!
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
Amerikalik xonanda Billi Aylish noodatiy fobiyasi haqida so‘zlab berdi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Saylovoldi kurashida Tramp Baydenni ortda qoldirmoqda
Toshkent viloyatida ikki yigit taksi haydovchisining joniga qasd qilmoqchi bo‘ldi