PSJ bir soatda 250 ming dona futbolka sotdi

Bugun argentinalik hujumchi Lionel Messi PSJ bilan shartnoma imzoladi. Tomonlar “2+1” ko‘rinishida shartnoma imzolashdi.

34 yoshli hujumchining transferi Parij klubi muxlislari orasida aql bovar qilmas shov-shuvni keltirib chiqardi. Messining ismi tushirilgan futbolka sotuvi boshlangan vaqtdan buyon bir soat davomida 250 mingta futbolka sotilgan.

Bundan tashqari, PSJ instagram akkauntiga juda ko‘plab obunachilar oqimi qayd etildi. Klubning ijtimoiy tarmoqdagi sahifasiga besh milliondan ortiq odam obuna bo‘lgan. Messi PSJ safida 30-raqam ostida to‘p suradigan bo‘ldi. “Zamin” yangiliklarini “Telegram”da kuzatib boring