MDH o‘yinlarida yana 5 ta medal qo‘lga kiritildi

Xabaringiz bor, ayni kunlarda Rossiyaning Qozon shahrida MDH o‘yinlari davom etmoqda. Kecha musobaqaning navbatdagi bellashuvlari ortda qoldi.

Shu kungi dasturda terma jamoamiz yana 5 ta bronza medalini delegatsiyamiz hisobiga yozib qo‘ydi. Ulardan 4 tasi boks sportiga to‘g‘ri kelsa, yana bir medal erkin kurashchimiz hisobiga yozildi. Medallar o‘ynalgan ikkinchi kunda sovrindor bo‘lgan sportchilarimiz:

Boks:
-60 kg: Umidillo Rasulov
-66 kg: Jafarbek Shaxbazov
-52 kg: Uzukjamol Yunusova
-54 kg: Guldana Tileubergenova

Erkin kurash:
-125 kg: Namoz Abdurashidov

Shu tariqa, mazkur musobaqada delegatsiyamiz hisobidagi medallar 2 ta kumush va 8 ta bronzani tashkil etmoqda. “Zamin” yangiliklarini “Telegram”da kuzatib boring