Jahon futbolida milliy chempionatlarning aksariyati qisqa muddatli ta’tilga chiqdi. Mamlakatlar terma jamoalari FIFA kunlariga belgilangan rasmiy va o‘rtoqlik uchrashuvlarida ishtirok etadi va futbolchilar ushbu bo‘lajak uchrashuvlar oldidan o‘quv-mashg‘ulot yig‘inlarini o‘tkazadi.
Joriy mavsumda A Seriyada yuqori o‘rinlar va Chempionlar ligasi, UYEFA Konfederatsiyalar ligasi bosh sovrini uchun kurashayotgan “Roma”dan ham asosiy tarkibning bir guruh o‘yinchilari o‘z mamlakatlari terma jamoalari yig‘inida ishtirok etish uchun Rimdan jo‘nab ketdi.
Italiya futbolini yoritishga ixtisoslashgan www.calciomercato.com sayti “Roma”dan turli terma jamoalarga jalb qilingan futbolchilar haqida ma’lumot tarqatdi.
Nashrning yozishicha, Rim jamoasi bosh murabbiyi Joze Mourino o‘z terma jamoalariga jo‘nab ketgan o‘n nafardan ortiq futbolchini intizorlik bilan kutishiga to‘g‘ri keladi.
Birinchi navbatda, jamoa sardori Lorenso Pellegrini va yetakchi yarim himoyachilardan Brayan Kristante Italiya milliy terma jamoasiga jalb qilingan. Terma ro‘yxatida bo‘lgan “Roma” yulduzlaridan Nikolo Dzanolo oyoq mushaklari shikastlangani bois, davolanishi kerakligi aytilmoqda. Italiya UYEFA Millatlar ligasi turniri yarim finalida Ispaniya bilan raqobatlashadi.
Mourino ikki hafta davomida boshqa mamlakatlardan kelgan yana o‘n nafar futbolchidan foydalana olmaydi.
Asosiy darvozabon Ruy Patrisiu terma jamoa uchun gol urish bo‘yicha jahon rekordchisi Krishtianu Ronaldu bilan birga Portugaliya terma jamoasi sharafini himoya qilishi lozim.
Armaniston terma jamoasi yetakchisi Genrix Mxitaryan ham huddi portugaliyaliklar singari 2022 yili Qatarda bo‘ladigan jahon chempionatining Yevropa qit’asi bo‘yicha saralash turnirida ishtirok etadi.
Janubiy Amerika vakillari orasida Qatar yo‘llanmalari uchun kurashayotgan Urugvay terma jamoasi “Roma”dan Matias Vinani, Afrikadan jahon chempionatiga chiqishni maqsad qilgan Gvineya Amadu Diavarani chaqirtirgan.
“Roma”ning asosiy tarkib o‘yinchilaridan markaziy himoyachi Marash Kumbula Albaniya terma jamoasidan taklif olgan bo‘lsa, tayan yarim himoyachisi Ebrima Darbo Afrika vakili – Gambiyaga jo‘nat ketdi.
Shuningdek, rimliklarning iste’dodli futbolchilaridan Rikkardo Kalafori va Eduardo Bove Italiya yoshlar terma jamoalari yig‘inlariga chaqirtirilgan.
Polsha terma jamoasiga jalb qilina boshlagan Nikola Zalevski oilasida noxush holat sodir bo‘lgani uchun Polsha futbol federatsiyasi uni o‘quv-mashg‘ulot yig‘inidan ozod qildi.
Calciomercato.som sayti mutaxassislari O‘zbekiston terma jamoasining yangi sardori – Eldor Shomurodovning ham Rimdan jo‘nab ketgani haqida alohida to‘xtalib o‘tdi. Hamyurtimiz “Roma”ning osiyolik yagona futbolchisi hisoblanadi.
O‘zbekiston milliy terma jamoasi bosh murabbiyi Srechko Katanes Eldor Shomurodovga asosiy hujumchi sifatida katta ishonch bildirmoqda. Shomurodov Katanes boshchiligidagi avvalgi yig‘in doirasida Shvetsiyaga qarshi o‘rtoqlik uchrashuvida raqib darvozasini nishonga olgan edi.
2022 yilgi jahon chempionat yo‘llanmalari uchun kurashni ancha erta yakunlagan mamlakatimiz bosh jamoasi bu galgi yig‘inni Iordaniya poytaxti Amman shahrida o‘tkazadi. Xorijiy yig‘in doirasida futbolchilarimiz ikkita o‘rtoqlik uchrashuvi bilan kifoyalanadi. Srechko Katanes o‘z shogirdlarini 9 oktabr kuni Malayziya va oradan uch kun o‘tib, ya’ni 12 oktabrda Iordaniya terma jamoalariga qarshi o‘rtoqlik o‘yinlarida sinovdan o‘tkazib oladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pnevmatik qurollarni o‘z ixtiyori bilan topshirganlar javobgarlikdan ozod etiladi
D vitamini dozasini oshirib yuborishning xavfli oqibatlari
Jizzaxda uchta yuk mashinasi ishtirokida YTH sodir bo‘ldi
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Ukraina prezidenti mahbuslarni safarbar qilish to‘g‘risidagi qonunni imzoladi
Kirbi: “AQSH Rossiya va Xitoy o‘rtasidagi aloqalar mustahkamlanishidan xavotirda”
