“Roma” 2021 yil taqvimidan o‘rin olgan o‘yinlarini tugatdi. E’tiborli jihati, rimliklarning yangi mavsumdagi birinchi uchrashuvida ham, oxirgi o‘yinida ham Eldor Shomurodov gol urdi.
Esingizda bo‘lsa, hujumchimiz “Roma”dagi ilk rasmiy o‘yinini UYEFA Konferensiyalar ligasi pley-off raundida “Trabzonspor” jamoasiga qarshi o‘tkazdi va Turkiyadagi bahsda to‘p kiritib, rimliklarning 2:1 hisobidagi g‘alabasini ta’minlagan edi.
Nihoyat, yilning oxirigi to‘qnashuvida legionerimiz “Sampdoriya” darvozasini ishg‘ol qildi.
E’tiboringizga Shomurodovning “Sampdoriya”ga qarshi o‘yini borasida “Roma” klubi muxlislarining ijtimoiy tarmoqlarda bildirgan fikr-mulohazalarini havola qilamiz.
Bernard Harris: Bu galgi o‘yinimiz avvalgi turda “Atalanta” ustidan qozonilgan g‘alaba katta omad bo‘lganini ko‘rsatib qo‘ydi. Jamoamizning eng qimmatbaho va katta maosh oluvchi o‘yinchisi Temmi Abraxam to‘pga o‘ynashdan ko‘ra, ko‘p gapirish va maydonda yiqilishni yaxshi uddalayapti. Eldorni ko‘proq o‘ynating, muxlislar haqiqiy futboldan bahra olsin! Shomurodov va Dzanolo olg‘a!
Good Imperia: Eldor, omadingni bersin!
Bonifacio Prezzolatino: Baxtimizga O‘zbekiston bor ekan!
Gabriele GP: “Roma” hujumkor jamoalar bilan yaxshi o‘ynayapti. Himoyalanadigan raqibga qarshi Shomurodov kabi hujumchining yordamini kutishiga to‘g‘ri kelmoqda. Gol darvoza burchagidagi harakatlar evaziga kiritildi. Endi bor umidimiz yangi transferlardan.
Andrea Polce: “Roma” futbolchilaridan faqat Shomurodov va Kris Smolling yuqori ballga loyiq o‘ynadi.
Alessandro Casesa: Bu gal ochko yo‘qotilishida Mourinoni ayblayman. Yarim himoyaga tezligi yo‘q Kristanteni qo‘ydi. “Sampdoriya” hujum qilishini bilgan holda tezkor o‘yinchilar – Feliks, Shomurodov yoki El-Shaaravini boshlang‘ich tarkibda tushirish kerak edi.
Adriano Rossi: Hafsalam pir bo‘ldi. Atigi to‘rtta zarba. Faqat Shomurodov gol urishni uddaladi. Oxirgi 20 daqiqa ustunlikni ko‘rdik xolos.
Gabriele Anedda: Shomurodov va El-Shaaravi tushganidan keyin hisobni ochdik. Bu yaxshi ko‘rsatkichmi?
Simone Volponi: Yanvardan boshlab Shomurodovni ko‘proq o‘ynatinglar!
“Roma” 2022 yildagi ilk uchrashuvini A Seriyaning 20-turida “Milan”ga qarshi o‘tkazadi. Raqib maydonida bo‘ladigan uchrashuv 6 yanvarga belgilangan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
