AQSHning “Warriors Boxing Promotions LLC” promouterlik kompaniyasi bilan hamkorlik qilayotgan Otabek Xolmatov dekabr oyida yana ikkita jang o‘tkazdi.
Dominikan Respublikasida tashkil etilgan professional boks kechalarida o‘zbekistonlik charm qo‘lqop ustasi kuchli raqiblarga to‘qnash keldi.
Otabek dastlab tajribali bokschi – professional janglarda 32 ta g‘alaba va shundan 23 tasini nokaut bilan yakunlagan Xuan Karlos Pena bilan kuch sinashdi. 10 raundlik reyting jangida mezbonlar vakili hamyurtimizga qarshilik ko‘rsatolmadi. Yoshlik shijoati oldida Xuan Karlos Penaning katta tajribasi, kuchli zarbalari va mahalliy muxlislarning qo‘llab-quvvatlashi ham yordam bera olmadi.
Ikkinchi raund yakunlanishi arafasida Otabekning kuchli zarbalariga dosh berolmagan raqib jangni davom ettira olmadi va uchrashuv hakami texnik nokaut qayd etdi. Bu Otabekning ketma-ket sakkizinchi nokauti va Penaning faoliyatidagi beshinchi mag‘lubiyati bo‘ldi.
Otabek Xolmatov Dominikandagi ikkinchi jangida o‘zi kabi nokautchi Adrian Morel Solis bilan kuch sinashdi. Bu bokschi professional ringdagi to‘rtta jangida ham raqiblarini muddatidan oldin yer tishlatgan edi.
Keskin va murosasi kurashlar ostida o‘tgan uchrashuvda Adrian Morel Solis o‘zbek bokschisiga atigi uch raund qarshilik ko‘rsatdi xolos. To‘rtinchi raundning 28 soniyasida Otabek raqibini texnik nokautga uchratdi va qatorasiga to‘qqizinchi jangini erta tugatib qo‘ya qoldi.
Sirdaryolik bokschi professional faoliyatini 2021 yilning 13 avgust kuni boshlagan edi. U besh oy davomida yuqoridagi ikki raqibidan oldin AQSH, Kolumbiya, Dominikan Respublikasidagi turnirlarda Marsello Uilyams, Karlos Ovando, Roberto Lopes, Xuan Gabriel Medina, Pablo Gomes, Pedro Ramires, Estevin Errerani nokaut va texnik nokaut bilan mag‘lub etgan.
Otabek Xolmatovga AQSH fuqarosi hisoblangan Svyatoslav Mangushev promouterlik qilmoqda. Bu mutaxassis asosan Mustaqil Davlatlar Hamdo‘stligi hududidagi mamlakatlardan yetishib chiqqan iqtidorli charm qo‘lqop ustalari bilan ishlamoqda. “Warriors Boxing Promotions LLC” promouterlik kompaniyasi vakillari – rossiyalik Artyom Brusov (10 (9 ta nokaut)-0-0), Pavel Fyodorov (2-0-0), Andranik Grigoryan (14(3 ta nokaut) -0-0), Andrey Mangushev (5(4 ta nokaut)-0-0), Vadim Musayev (4-0-0), gruziyalik Otar Eranosyan (10(6 ta nokaut)-0-0), ukrainalik Vitaliy Kopilenko (28(13 ta nokaut)-3-0), tojikistonlik Mehrubon Sanginov (12(9 ta nokaut)-0-1) hozircha ishonchni oqlab kelmoqda.
Shuningdek, Svyatoslav Mangushev Otabek Xolmatovdan tashqari o‘zbek boks maktabi tarbiyalanuvchilaridan Kozimbek Mardonov va Fazliddin Meliboyev bilan hamkorlik qiladi. Havaskorlar musobaqalarida katta tajriba to‘plagan bu ikki bokschimizdan Kozimbek professional ringda ikkita g‘alaba va bitta mag‘lubiyat qayd etdi. Fazliddin Meliboyev esa professonal debyutini kutmoqda.
Otabek Xolmatov ham havaskorlar o‘rtasida yaxshi natijalar qayd etgani va katta tajriba to‘plagani unga professional faoliyatida juda qo‘l kelmoqda. U o‘z vazn toifasida o‘zbekistonlik kuchli bokschilardan jahon chempioni Mirazizbek Mirzaxalilov, Abdulhay Shorahmatov, Mujibullo Tursunov, yaponiyalik Xayato Sutsumi, Dominikan Respublikasi vakili Luis Reynaldo Nunes, filippinlik Karlo Paalam,fransiyalik Bilol Bennama, rossiyalik Jamol Badruddinov bilan kuch sinashib, ularning aksariyatini mag‘lubiyatga uchratgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
