Transfermarkt portali Italiya A Seriyasida o‘ynayotgan 573 futbolchining transfer narxlarini yangiladi.
A Seriya vakillari orasida narxi keskin ko‘tarilganlar orasida “Fiorentina” to‘purari Dushan Vlaxovich birinchi o‘rinda qayd etilgan. Serbiyalik hujumchining narxi 20 million yevroga oshdi va ayni paytda 70 million yevroni tashkil qilmoqda.
Transfer summasi ko‘tarilgan o‘yinchilarning kuchli o‘nligini quyida jadvalda ko‘rishingiz mumkin.
Shuningdek, nufuzli portal mutaxassislari tomonidan tuzilgan eng arzonlashgan futbolchilar ro‘yxatini “Napoli” hujumchisi Lorenso Insene boshqarib bormoqda.
Italiyalik o‘yinchi 13 million yevroga arzonladi va bugungi kundagi transfer summasi 35 million yevroga tushib qoldi. Narxi pasaygan o‘yinchilar o‘nligidan 10 million yevroga arzonlagan “Yuventus” hujumchisi Alvaro Morata, turinliklar yarim himoyachisi Artur, “Napoli”ni tark etishga qaror qilgan Kostan Manolas bor.
Shuningdek, “Latsio”dan Luis Alberto, Chiro Immobile, “Milan”dan Ismoil Bennaser, “Atalanta”dan Luis Muriel, “Yuventus”dan Aleks Sandro va Adriyen Raboning transfer narxi 8 million yevrodan arzonlashdi.
Eldor Shomurodov avvalgi reytingda ikki barobar qimmatlab, transfer summasi 7 million dan 14 million yevroga ko‘tarilgan edi. Biroq, yil yakunlari bo‘yicha hamyurtimizning narxi arzonlagani qayd etildi.
Umuman olganda, transfermarkt portali MDH hududiga kiruvchi futbolchilarning transfer summasi o‘zgarishiga alohida e’tibor qaratdi.
“Roma” sharafini himoya qilayotgan Eldor Shomurodov asosan zaxiradan o‘yinga qo‘shilmoqda va boshlang‘ich tarkibda juda kam ko‘rinish bermoqda. O‘yin vaqtining kamligi hamyurtimizga gollar va assistlar sonini oshirishga xalaqit qilyapti.
Shomurodov A Seriyada 15 marta maydonga tushib, umumiy hisobda 500 daqiqa o‘ynadi xolos. Samarali harakatlari ikkita gol va uchta golli pasdan iborat bo‘ldi. Shunga yarasha, yangi reytingdagi narxi ikki millionga arzonlab 12 million yevroni tashkil qilyapti.
Eldorning jamoadoshi Genrix Mxitaryan besh millionga arzonladi va mavsum oxirida “Roma”dan ketadigan yarim himoyachi 10 million yevroga baholanyapti. Armanistonlik pleymeyker joriy mavsumda 18 ta uchrashuv 1392 daqiqa maydonda harakatlandi, ikkita gol to‘rtta assist muallifi bo‘ldi.
“Atalanta”da asosiy tarkibga kirish uchun kurashayotgan rossiyalik hujumkor futbolchi Aleksey Miranchuk A Seriyada o‘nta bahs davomida 264 daqiqa o‘ynab, bitta goli bilan yodda qoldi. Uning transferi 2,5 millionga tushib ketdi va umumiy summa 11 million yevroni tashkil qilyapti.
“Spetsiya”da o‘ynayotgan ukrainalik Viktor Kovalenkoning harakatlari ham portal mutaxassislariga ma’qul kelmadi. “Atalanta”dan ijaraga olingan yarim himoyachi 12 ta bahsda bitta to‘p kiritdi. Avval 4 million yevro turgan futbolchi 500 ming yevro yo‘qotdi.
“Fiorentina”ga kelganidan beri qariyb bir yil davomida o‘z joyini topa olmayotgan rossiyalik Aleksandr Kokorin to‘rtta uchrashuvda atigi 28 daqiqa ko‘rinish berdi. 500 ming yevroga arzonlagan o‘yinchining narxi endi 1,5 million yevro ekani qayd etildi.
“Atalanta”ning asosiy o‘yinchilaridan hisoblangan Ruslan Malinovskiyda o‘zgarish bo‘lgani yo‘q. 14 ta uchrashuvda to‘rtta gol va bitta golli pas muallifi bo‘lgan yarim himoyachi 30 million yevroga baholanmoqda. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
