Ma’lumki, kecha 17 yoshli grossmeyster Nodirbek Abdusattorov — rapid (tezkor shaxmat) yo‘nalishida jahon chempionligini qo‘lga kiritdi. Platformauz kanali mazkur g‘alaba yuzasidan o‘z munosabatini e’lon qildi.
«Yaqin tarix guvoh: u sport bo‘ladimi yoki biror fan olimpiadasi bo‘ladimi bizda qanchadan qancha jahon chempionlari chiqqan. Lekin eskicha qolib ketgan qarash tufayli ularning iste’dodiga, o‘z ustida ishlashiga to‘sqinlik qilganmiz. Masalan, 2016 yilgi Olimpiada chempionlarimizni olaylik!
O‘sha natijadan keyin sportchilarimiz tadbirma tadbir yuraverdi, yuraverdi, yuraverdi... Turli marosimlarda old qatorlarda o‘tirishdi, tinmay u jurnalistdan bunisiga, bunisidan narigisiga intervyu berdi.
O‘zbekistonda necha tashkilot borki, hammasiga mehmon sifatida taklif qilindi. Hattoki ma’nisiz konsertlargayam tushishga majbur qilib qo‘ydik. Ularning o‘z ustida ishlashiga imkon bermadik. Shu bilan oxirgi Olimpiadadagi natijani ko‘rib turibsiz.
Yoki bokschimiz Ruslan Chagayevni olaylik. Valuyev ustidan g‘alaba qozonganidan keyin bir yil to‘xtovsiz majburiy tadbirlar bilan band qildik. Shaxmatchimiz Rustam Qosimjonov ham Jahon chempioni unvonini saqlab qolishi mumkin edi. Ungayam to‘zim bermadik. Xullas, bunday misollarni ko‘plab keltirish mumkin.
Endi Nodirbek Abdusattorov haqida. To‘g‘ri, ertaga uni aeroportda karnay-surnaylar sadosi ostida yuzlab muxlislar olqishida kutib olamiz. Katta marosimlar o‘tkazib, uning, yaqinlarining sha’niga iliq gaplar aytamiz, sovg‘alar beramiz.
Yil davomida Toshkentda bo‘lgan vaqti tadbirlar o‘tkazib, televizordan tushirmaymiz. Bunday «kun tartibi» uni mag‘lubiyatga uchrashiga olib keladi. Buni yuqoridagi boshqa sportchilarimiz hayoti misolida aytib o‘tdik.
Nodirbekning iste’dodini uvol qilmaylik, uni shunchaki tinch qo‘yaylik. U ham Magnus Karlsenga o‘xshab 4-5 yil davomida chempionlikni himoya qilishiga sharoit yaratib beraylik. Shunda amerikalik Maykl Felpsga o‘xshagan chempionlar avlodining navbati uzilmaydi.
So‘zim yakunida yosh chempion barchamizga yana bir karra muborak bo‘lsin!». “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
