Benzema va Vinisiusning ikkitadan goli «Real»ga yirik hisobdagi g‘alabani taqdim etdi

Futbol bo‘yicha Ispaniya La Ligasining 20-turidan o‘rin olgan o‘yinda «Real» 8 yanvar, shanba kuni «Valensiya»ga qarshi bahs yuritdi.

«Santyago Bernabeu»da o‘tgan o‘yinda umumiy hisobda 5 ta gol kiritildi. Dastlab birinchi bo‘lim yakunlanishi arafasida Karim Benzema hisobni ochgan bo‘lsa, 52 va 61-daqiqalarda Vinisius Junior ketma-ket ikki bor darvozani ishg‘ol etib, dublni rasmiylashtirdi. Shundan so‘ng mehmonlar Gonsalu Gedeshning goli evaziga hisobni qisqartirishga erishdi. 88-daqiqada esa Benzema o‘zining o‘yindagi ikkinchi, jamoasining esa to‘rtinchi golini urib, bellashuvga yakuniy nuqtani qo‘ydi.

Ushbu g‘alabadan keyin «Real»ning ochkolari soni 49 taga yetdi, jamoa musobaqa jadvalida karvonboshilik qilmoqda. 9-o‘rindagi «Valensiya»ning hisobida 28 ochko mavjud.

«Real» — «Valensiya» 4:1
Gollar: 1:0 – 43, penalti Benzema, 2:0 – 52 Vinisius Junior, 3:0 – 61 Vinisius Junior, 3:1 – 76 Gedesh, 4:1 – 88 Benzema.
«Real»: Kurtua, Alaba, Militao, Mendi, Modrich (Sebalos, 70), Kroos, Kazemiro (Kamavinga, 71), Vaskes (Nacho, 87), Benzema, Asensio, Vinisius Junior (Valverde, 87).
«Valensiya»: Sillessen, Pichchini (Iranso, 77), Alderete, Diakabi, Gayya, Gilyamon, Gedesh, Vass, Musa (Cherishev, 66), Elder Koshta (Markos Andre, 66), Maksi Gomes (Kuandredi, 66; Valexo, 83).
Ogohlantirishlar: Kazemiro (14), Militao (26), Pichchini (51), Musa (58), Mendi (75), Cherishev (84). “Zamin” yangiliklarini “Youtube”da kuzatib boring