«Barselona» Kataloniya derbisida 90+6-daqiqadagi gol evaziga mag‘lubiyatdan qutulib qoldi

Futbol bo‘yicha Ispaniya La Ligasining 24-turidan o‘rin olgan bir qator uchrashuvlar 13 fevral, yakshanba kuni bo‘lib o‘tdi.

«Barselona» safarda «Espanol»ga qarshi bahs yuritdi. Uchrashuvning ikkinchi daqiqasidayoq Pedri mehmonlarni oldinga olib chiqdi. Birinchi bo‘lim oxirida Serxi Darder jarima maydoni tashqarisidan zarba yo‘llab, hisobni tenglashtirdi.

64-daqiqada Raul de Tomas maydon egalarining ikkinchi golini urdi. Hakam tomonidan qo‘shib berilgan vaqtning so‘nggi daqiqalarida Lyuk de Yong muvozanatni tiklashga erishdi.

Xavi shogirdlari ushbu natijadan keyin 39 ochko bilan 4-o‘rinni saqlab qoldi. «Espanol» (28) esa 13-pog‘onada qoldi.

«Espanol» — «Barselona» 2:2
Gollar: 0:1 – 2 Pedri, 1:1 – 40 Darder, 2:1 – 64 de Tomas, 2:2 – 90+6 Lyuk de Yong.
«Espanol»: Diyego Lopes, Kabrera, Serxi Gomes, Pedrosa, Vilena (Melamed, 61), Darder, Bare (Morlanes, 62; Merida, 70), Errera, Aleish Vidal, Puado, de Tomas.
«Barselona»: ter Shtegen, Dest, Pike, Arauxo (Erik Garsiya, 46), Alba (Dembele, 72), Buskets, Frenki de Yong (Obameyang, 62), Pedri (Lyuk de Yong, 88), de Yong, Gavi (Niko Gonsales, 72), Traore, Ferran Torres.
Ogohlantirishlar: Bare (23), Vilena (60), Pike (74), Puado (76), Erik Garsiya (78), Niko Gonsales (83), Melamed (90+1).
Chetlatishlar: Melamed (90+2), Pike (90+2).

«Alaves» — «Valensiya» 2:1
Gollar: 1:0 – 14 Lum, 1:1 – 62, penalti Gedesh, 2:1 – 76, penalti Xoselu.

«Levante» — «Betis» 2:4
Gollar: 0:1 – 14 Fekir, 0:2 – 29 Edgar Gonsales, 0:3 – 42 Vilyam Karvalyu, 1:3 – 43 Dani Gomes, 2:3 – 47 Dani Gomes, 2:4 – 49 Fekir.

«Real Sosedad» — «Granada» 2:0
Gollar: 1:0 – 37, penalti Oyarsabal, 2:0 – 74 Rafinya. “Zamin” yangiliklarini “Youtube”da kuzatib boring