OCHLda 3-tur bellashuvlari o‘z yakuniga yetdi. "E" guruhi doirasida Qarshining "Nasaf" jamoasi Saudiya Arabistonining "Al Faysali" jamoasi bilan bellashdi va 0:1 hisobida imkoniyatni boy berdi. O‘yindan keyingi matbuot anjumanida Ro‘ziqul Berdiyev o‘z fikrlarini bildirib o‘tdi.
"Bitta xatoyimiz mag‘lubiyatga olib keldi, shu xato rejamizni buzdi. Reja bo‘yicha birinchi bo‘limni ehtiyotkor o‘ynab darvozamiz daxlsizligini saqlab qolish kerak edi. Afsuski, bunday bo‘lmadi. Yagona xato va rejamiz buzildi.
"Al Faysali"dan jismoniy tomonlama kuchliroq edik, buni o‘yinda ham ko‘rsata oldik. Lekin, 2-bo‘limdagi ayrim vaziyatlarda raqib darvozaboni yaxshi harakat qildi, ba’zida esa omad bizdan yuz o‘girdi".
- Bu jamoa mana uchinchi o‘yindirki, o‘yin tempini tushirib o‘ynayapti. Ya’ni, ularni uslubi shunday ekan. Bugun ham bitta vaziyat yaratib gol urishdi va tempni "o‘ldirishdi". Ularga qarshi keyingi o‘yinda bu narsaga chora topish haqida o‘ylayapsizmi?
- To‘g‘ri ta’kidlab o‘tdingiz, ular ko‘proq mahoratga e’tibor qaratib o‘ynashadi. Biz buni bilardik. Oldingi o‘yinlarda ham xuddi shunday o‘ynab g‘alaba qozongandi. Juda ham tartibli o‘ynab, o‘z imkoniyatlarini golga aylantirgandi. Bugun ham xuddi shunday bo‘ldi. Ba’zi vaziyatlarda jamoa yotib olib vaqt cho‘zdi, biroq ular g‘alaba qozondi, bu bilan faqat raqibni tabriklash kerak.
Biz bu jamoa bilan o‘ynab ko‘rdik va keyingi o‘yinda boshqacha harakat qilamiz, umuman hamma jamoalarni kuchini bilamiz. Yigitlarga ham aytdim hamma jamoa bilan o‘ynay olamiz. Faqat bundan ham shiddatliroq va keskinroq o‘ynashimiz kerak.
- Kecha siz "Al Faysali"ning kuchli va kuchsiz tomonlarini bilaman degan edingiz, o‘yindan keyin qanday fikrga keldingiz?
- O‘ylaymanki, "Al Faysali"ning o‘yini o‘zgarmaydi. Yana shu usulda o‘ynaydi, faqat o‘yinchilar o‘zgarishi mumkin. Ularda Tavares bor va unga uzun paslar uzatish orqali o‘yinni tashkil qiladi.
Eslatib o‘tamiz, "Nasaf" va "Al Faysali" OCHL 4-turida ham o‘zaro to‘qnash keladi. Mazkur bahs 19 aprel kuni tunda 01:15 (Toshkent vaqti bilan) bo‘lib o‘tadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
