La Liga. «Real» 4 ta gol urilgan o‘yinda g‘alaba qozondi, «Atletiko» ochko yo‘qotdi

Futbol bo‘yicha Ispaniya La Ligasining 33-turidan o‘rin olgan qator uchrashuvlar 20 aprel, chorshanba kuni bo‘lib o‘tdi.

«Real» safarda «Osasuna»ga qarshi bahs olib bordi. Uchrashuvning 12-daqiqasida David Alaba madridliklarning dastlabki goliga muallif bo‘ldi. Oradan bir daqiqa o‘tib, Ante Budimir muvozanatni tiklashga muvaffaq bo‘ldi.

Birinchi bo‘lim yakunlanishi arafasida Marko Asensio mehmonlarni yana hisobda oldinga olib chiqdi. Ikkinchi bo‘lim boshida «Real» ikki bor penalti tepish imkoniyatiga ega bo‘ldi, biroq Karim Benzemaning yo‘llangan zarbalarini darvozabon bartaraf etishga muvaffaq bo‘ldi. Hakam tomonidan qo‘shib berilgan vaqtda Lukas Vaskes Vinisiusning uzatmasidan keyin yakuniy hisobni o‘rnatdi.

«Atletiko» o‘z uyida «Granada» darvozasiga yo‘l topolmay, nursiz durangga imzo chekdi.

«Real» 78 ochko bilan yakka peshqadam bo‘lib turibdi. Ikkinchi o‘rindagi «Atletiko» hisobida 61 ochko mavjud.

«Osasuna» – «Real Madrid» 1:3
Gollar: 0:1 – 12 Alaba, 1:1 – 13 Budimir, 1:2 – 45 Asensio, 1:3 – 90+6 Vaskes.
«Osasuna»: Errera, Vidal, Aridane, David Garsiya, Xose Anxel (Barxa, 68), Ruben Garsiya (Sanches, 46), Brashanas (Roberto Torres, 80), Martines (Oyer Sanxurxo, 68), Monkayola, Chimi Avila (Barbero, 85), Budimir.
«Real Madrid»: Kurtua, Alaba (Karvaxal, 46), Militao, Nacho, Sebalos (Kroos, 71), Valverde, Kamavinga (Isko, 74), Vaskes, Benzema, Asensio, Rodrigo (Vinisius, 90).
Ogohlantirishlar: Kamavinga (5), Brashanas (44), Militao (60), Nacho (62).

«Atletiko» – «Granada» 0:0

«Selta» – «Xetafe» 0:2
Gollar: 0:1 – 23 Mayoral, 0:2 – 51 Mayoral. “Zamin” yangiliklarini “Odnoklassniki”da kuzatib boring