APL. «Arsenal» 4 ta gol urilgan o‘yinda «Manchester Yunayted»ni yer tishlatdi

Futbol bo‘yicha Angliya Premer Ligasining 34-turida «Manchester Yunayted» va «Arsenal» jamoalari 23 aprel, shanba kuni o‘zaro to‘qnash keldi.

Londonda o‘tgan bahs tezkor gol bilan boshlandi. Nunu Tavaresh 3-daqiqada hisobni ochdi, 32-daqiqaga kelib, Bukayo Saka 11 metrlik jarima zarbasidan unumli foydalanib, oradagi farqni oshirishga muvaffaq bo‘ldi. 2-daqiqaga o‘tar-o‘tmas esa Krishtianu Ronaldu qanotdan oshirilgan to‘pni darvozaga joylab, hisobni qisqartirdi. 70-daqiqaga kelib, Granit Jaka super goli bilan «to‘pchilar»ga ishonchli g‘alabani taqdim etdi.

Qayd etish kerak, uchrashuvning 57-daqiqasida, hisob 2:1 bo‘lib turganida Manchester klubi yarim himoyachisi Brunu Fernandesh penaltini aniq amalga oshira olmadi.

Ushbu g‘alabadan keyin «Arsenal»ning ochkolari soni 60 taga yetdi va 4-o‘ringa ko‘tarildi. «Manchester Yunayted» esa 54 ochko bilan 6-pog‘onani band etib turibdi, «qizil iblislar»da YECHL yo‘llanmasini taqdim etuvchi kuchli to‘rtlikka kirish imkoniyati deyarli qolmadi.

«Arsenal» – «Manchester Yunayted» 3:1
Gollar: 1:0 – 3 Nunu Tavaresh, 2:0 – 32, penalti Saka, 2:1 – 34 Ronaldu, 3:1 – 70 Jaka.
«Arsenal»: Remsdeyl, Soaresh (Tomiyasu, 90), Gabriel, Uayt, Nunu Tavaresh, Jaka, en-Nenni, Edegor, Smit-Rou (Martinelli, 64), Nketia, Saka (Holding, 74).
«Manchester Yunayted»: De Xea, Diogu Dalot, Varan, Lindelof, Telles, Matich (Reshford, 77), Brunu Fernandesh (Mata, 84), Maktomini, Ronaldu, Sancho, Elanga (Lingard, 77).
Ogohlantirishlar: Telles (31), Jaka (67), Nunu Tavaresh (68), Brunu Fernandesh (76), en-Nenni (80), Lindelof (82), Ronaldu (90). “Zamin” yangiliklarini “Instagram”da kuzatib boring