Shomurodov assistlar borasida Ilichich, Sapata, Dyumfris, Lokotelli va Abraxam bilan tenglashdi

Italiya chempionati 34-turida “Inter” o‘z maydonida “Roma”ni 3:1 hisobida taslim etdi. Mehmonlar safida Genrix Mxitaryan javob goli muallifi bo‘ldi va unga zaxiradan tushgan Eldor Shomurodov assistentlik qildi.

Bu o‘zbekistonlik futbolchining A Seriya joriy mavsumidagi 4-golli pasi bo‘ldi va u bu borada jamoadoshlari Lorenso Pellegrini, Temmi Abraxam, “Atalanta” a’zolari Duvan Sapata, Yosip Ilichich, “Napoli” futbolchilari Irving Losano, Matteo Politano va “Inter” himoyachisi Denzel Dyumfris kabi o‘yinchilar bilan tenglashdi. Bu borada musobaqa yetakchisi esa Domeniko Berardi (“Sassuolo”, 11 ta) hisoblanadi. Shuningdek, Eldor hisobida 2 ta gol ham bor.

Qayd etish joiz, 26 yoshli futbolchi 2021/22 yilgi mavsum Italiya chempionatida 24 o‘yinda qatnashdi.
“Zamin” yangiliklarini “Twitter”da kuzatib boring