Tailandda dunyodagi eng yirik elektromototsikl yaratildi

^{Foto: Europaplus}
Bangkokda bo‘lib o‘tgan 45-xalqaro avtosalonda Tailandning Smartech kompaniyasi tomonidan Felo TOOZ elektromototsiklining namunasi namoyish etildi.

Festivalda mazkur gadjet dunyodagi eng katta va tezyurar mototsikl ekanligi ta’kidlandi. U 201 km/soat tezlikka bir necha soniyalarda chiqa oladi.

^{Foto: Newatlas}
Felo TOOZ'ga o‘rnatilgan 35 kVt/soat quvvatli akkumulator 720 kilometrgacha masofa uchun quvvat zaxirasini ta’minlaydi. Uning batareyasi tez zaryadlash funksiyasiga ega: atigi 20 daqiqada elektromototsikl zaryadini 20 dan 80 foizgacha to‘ldirishi mumkin.

^{Foto: Newatlas}
Felo TOOZ yordamida barcha turdagi qurilmalar va elektr jihozlarining akkumulatorlarini zaryadlash mumkin. Uning quvvati hatto butun boshli xonadonni energiya bilan ta’minlashga yetadi.

^{Foto: Newatlas}
Shuningdek, elektromototsiklning boy texnik tarkibi shinalar bosimi va tormozlashni mustaqil nazorat qilish imkonini beradi. Mototsiklda 360 daraja kenglikda suratga oluvchi maxsus kameralar tizimi ham o‘rnatilgan.

Loyiha tashkilotchilari mazkur mototsiklni ishlab chiqarish masalasi va uning narxlari bo‘yicha ma’lumotlarni keyinroq oshkor qilishga va’da bergan. “Zamin” yangiliklarini “Twitter”da kuzatib boring