AI ma’lumot tahliliga ixtisoslashgan Julius startapi 10 million dollar (taxminan 126 milliard so‘m) miqdorida seed-investitsiya raundini yopdi, deb TechCrunch.com xabar berdi.
Moliyalashtirishga First Round Capital, Audacious Ventures va ayrim xususiy investorlar yetakchilik qildi.
Julius startapi bizneslarga tabiiy tildagi so‘rovlar orqali ma’lumot tahlil qilish imkonini beruvchi AI-analitik platformani ishlab chiqmoqda.
Platforma elektron jadval, SQL bazalar va boshqa ma’lumot manbalarini birlashtirib, foydalanuvchiga tez va tushunarli javoblarni taqdim etadi.
Kompaniyaning maqsadi — ma’lumot tahlilini har qanday xodim uchun oddiy va intuitiv darajaga olib chiqish.
Jalb qilingan mablag‘lar Julius jamoasini kengaytirish va mahsulotni bozorda tezroq joriy qilishga yo‘naltiriladi.
“Zamin”ni Telegramʻda oʻqing!
