Spotify kompaniyasi kelajakda o‘z ovozli sun’iy intellekt interfeysini yanada interaktiv va “gapiruvchi” qilish niyatida ekanini ma’lum qildi, deb TechCrunch.com xabar berdi.
Kompaniya vakillarining so‘zlariga ko‘ra, yangilangan interfeys foydalanuvchi bilan erkin va tabiiy muloqotga kirishadigan AI assistentga aylanadi.
Ushbu funksiya orqali foydalanuvchilar musiqa tinglash, pleylist tuzish yoki yangi tavsiyalar olishda ovoz orqali muloqot qilish imkoniga ega bo‘ladi.
Spotify bu texnologiyani “chuqur shaxsiylashtirilgan audio tajriba” deb baholamoqda.
Ayrim kuzatuvchilar bu yangilik Spotify’ning OpenAI, Google va Apple kabi kompaniyalar bilan raqobatini kuchaytirishini taxmin qilmoqda.
Hozircha aniq sana berilmagan, lekin funksiya yaqin oylarda sinov tariqasida joriy etilishi mumkin.
“Zamin”ni Telegramʻda oʻqing!
