“Android Authority” ma’lumotiga ko‘ra, Android tizimida ishlovchi smartfonlarga “Sturnus” deb nomlangan, ekrandagi ma’lumotlarni o‘qiydigan xatarli virus tarqalmoqda.
U nafaqat ekran mazmunini yashirincha ko‘radi, balki messenjerlardagi (Telegram, Signal) shaxsiy xabarlarga ham kirish imkoniga ega. Virus shifrlashni chetlab o‘tishi va parollar, bank ilovalari ma’lumotlarini yig‘ishi aniqlangan.
Mutaxassislar bu virus o‘zini Chrome yoki mashhur ilovalar ko‘rinishida yashirayotganini aytmoqda. U asosan internetdan yuklab olinadigan .apk fayllar orqali tarqalmoqda. Zararlanish holatlari ko‘proq Markaziy va Janubiy Yevropada qayd etilgan.
Google zararli dastur Play Market orqali tarqalmaganini, Play Protect esa ayrim versiyalarni to‘sishga muvaffaq bo‘layotganini ma’lum qildi.
Shuningdek, Palo Alto Networks 2024 yil iyulida Samsung Galaxy qurilmalaridagi nol-kun zaifligi orqali amalga oshirilgan kiberhujumni ham fosh etgan edi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
