Telegram Android va iOS ilovalarida zamonaviy va qulay kirish usuli — Passkey joriy etildi. Bu funksiya messenjerga kirish jarayonini ancha yengillashtiradi: endi parol terish, SMS kuting yoki kodni safarbar qilish kabi qiyinchliklar bartaraf etiladi. Ya’ni, akkauntga kirish uchun faqat qurilmaning o‘zidagi biometrik himoya yoki parol yetarli bo‘ladi.
Passkey — bu telefonning ichida yoki ishonchli parol menejerlarida saqlanadigan shaxsiy kirish kaliti hisoblanadi. U Google, Apple, Samsung, 1Password kabi yirik ekotizim dasturlari bilan to‘liq mos keladi. Eng muhim jihati — kalit Telegram serverlariga yuborilmaydi, uni ilova xodimlari ham, uchinchi shaxslar ham ko‘ra olmaydi.
Yangi mexanizm amalga oshirilganda, messenjer foydalanuvchini qurilmaning o‘z xavfsizlik tizimi orqali tanib oladi:
yuzni skanerlash, barmoq izi, Face ID, Touch ID yoki telefon paroli orqali. Bu nafaqat o‘ta tez, balki avvalgisidan ancha xavfsiz.
Passkey qo‘llanishi bilan:
• parolni yodlash shart bo‘lmaydi;
• SMS kechikishi kabi noqulayliklar yo‘qoladi;
• akkaunt xavfsizligi bir necha barobar oshadi;
• kirish bir necha soniyada amalga oshadi.
Funksiyani faollashtirish ham juda oson: Telegram ilovasiga kirib, Sozlamalar → Maxfiylik → Passkey bo‘limiga o‘tish kifoya. Shu yerda mavjud kalitlarni boshqarish yoki yangisini qo‘shish imkoniyati mavjud.
Yangilangan imkoniyat Google Play va App Store’dagi Telegram’ning eng so‘nggi versiyalarida allaqachon joriy qilingan. Messenjerning bu qadami foydalanuvchi xavfsizligi va qulaylikni yanada yuqori pog‘onaga olib chiqmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
