Avtomobil giganti "GAC Group" inkubatori bo'lgan "Greater Bay Technology" startapi to'liq qattiq holatli batareyalar prototipini ishlab chiqdi. Kompaniya xavfsizlik, energiya zichligi va quvvatlanish tezligi o'rtasidagi muhim muvozanatni ta'minlaganini da'vo qilmoqda. Bu haqda Overclockers.ru xabar beradi.
Muhandislar organik va anorganik komponentlarni birlashtirgan gibrid elektrolit yaratdilar. Mo'rt keramika yoki zaharli sulfidlardan foydalanadigan mavjud muqobillardan farqli o'laroq, ushbu yonmaydigan material mix bilan teshib ko'rish va termik zarba sinovlaridan muvaffaqiyatli o'tdi. Batareya 260 dan 500 Vt/kg gacha energiya zichligini taklif etadi, bu esa hozirgi litiy-ion elementlarining 250-300 Vt/kg ko'rsatkichidan sezilarli darajada yuqoridir.
Ushbu texnologiya an'anaviy batareyalarga mos xizmat muddati bilan to'liq quvvatlanishni 20 dan 30 daqiqa ichida amalga oshirish imkonini beradi. "Greater Bay Technology" elektrolit formulalari va ishlab chiqarish jarayonlari bo'yicha allaqachon 50 dan ortiq patent topshirdi.
Ommaviy ishlab chiqarish 2026 yil yakunida Guanchjouning Nansha tumanidagi zavodda boshlanishi rejalashtirilgan. Birinchi birliklar "GAC" kompaniyasining premium sub-brendi bo'lgan "Hyptec" avtomobillariga o'rnatiladi. 2026 yil mart holatiga ko'ra, kompaniya 0,21 GVt o'rnatilgan quvvat bilan Xitoy bozorida 0,37% ulushga ega edi.
“Zamin”ni Telegramʻda oʻqing!
