Boyqo'ng'irdan Soyuz-2.1a raketasi Progress MS-34 kemasini koinotga olib chiqdi
Boyqo'ng'ir kosmodromidan "Soyuz-2.1a" raketasi "Progress MS-34" yuk kemasini muvaffaqiyatli koinotga olib chiqdi. Xalqaro kosmik stansiyani (XKS) ta'minlashga qaratilgan ushbu missiya doirasida kema orbitaga reja asosida chiqib, barcha tizimlari shtat rejimida ishga tushdi. Kema stansiya ekipaji uchun jami 2 518 kg yuk, jumladan, yoqilg'i, suv, oziq-ovqat va yangi "Orlan-MKS" skafandrini olib ketmoqda. "Progress MS-34" kemasining 28-aprel kuni XKSning "Zvezda" moduliga tutashishi kutilmoqda.
Boyqo'ng'ir kosmodromining 31-maydonchasidan "Soyuz-2.1a" raketa tashuvchisi muvaffaqiyatli start oldi. Raketa o'zi bilan birga "Progress MS-34" transport yuk kemasini koinotga olib chiqdi. Bu haqda Ixbt.com xabar beradi.
Parvoz shtat rejimida amalga oshirildi.
"Roskosmos" davlat korporatsiyasi xabariga ko'ra, kemaning orbitaga chiqishi, uchinchi pog'onadan ajralishi hamda antenna va quyosh panellarining ochilishi reja asosida kechgan. Bu Xalqaro kosmik stansiyani ta'minlash bo'yicha 95-missiya hisoblanadi.
Hisob-kitoblarga ko'ra, "Progress" kemasining XKSga yetib borishi 49 soat 39 daqiqa davom etadi. Kema Yer atrofida 33 marta aylanib chiqqach, 28 aprel kuni Moskva vaqti bilan soat 03:01 da "Zvezda" moduliga tutashishi kutilmoqda.
Kema orbitaga jami 2 518 kg yuk olib ketmoqda. Yuklar tarkibida stansiyani yonilg'i bilan to'ldirish uchun 700 kg yoqilg'i, 420 kg ichimlik suvi va 50 kg kislorod mavjud.
Shuningdek, ekipaj uchun 1 348 kg quruq yuklar, jumladan, yangi "Orlan-MKS" 8-sonli skafandri ham yetkaziladi.
Izohlar 0
…