Oy may oyida oltita yorqin yulduzni to'sib qo'yadi
2026-yilning may oyida Oy oltita yorqin yulduz va yulduz turkumlarini to‘sib qo‘yishi kutilmoqda. Moskva planetariysi ma’lumotlariga ko‘ra, ushbu astronomik hodisalar oy davomida turli qit’alarda, jumladan, Antares, Regul va Beta yulduzlari misolida sodir bo‘ladi. Mazkur jarayonlarning aksariyatini Janubiy Amerika, Afrika va Avstraliya hududlarida oddiy ko‘z yoki durbin yordamida kuzatish imkoniyati mavjud. Astronomik "shou" 4-maydan boshlanib, 31-may kuni Antares yulduzining takroriy tutilishi bilan yakunlanadi.
2026-yilning may oyida Oy olti marta yorqin yulduzlar va yulduz turkumlarini to'sib qo'yadi. Moskva planetariysi matbuot xizmati xabariga ko'ra, ushbu astronomik hodisalar turli qit'alarda kuzatiladi. Bu haqda Ixbt.com xabar beradi.
Birinchi hodisa 4 may kuni sodir bo'ladi: Yer yo'ldoshi Antares yulduzini yopadi. Ushbu jarayonni Janubiy Amerika va Afrikaning janubiy qismi aholisi ko'rishi mumkin.
6-7 may kunlari esa Oy Mergan yulduz turkumidagi Sigma yulduzini to'sib qo'yadi, biroq bu faqat Antarktida hududida ko'rinadi.
17 may kuni Oy Pleyada yulduz turkumini yopadi, ammo Quyoshga yaqinligi sababli buni Yerdan turib kuzatish imkonsiz bo'ladi. 18-mayda Sharqiy Afrika mamlakatlarida Buqa yulduz turkumidagi Beta yulduzining tutilishi kuzatiladi.
23 may kuni esa Oy Regul yulduzini to'sib qo'yadi va bu hodisa Tinch okeani akvatoriyasida ko'rinadi.
Oylik astronomik shou 31 may kuni yakunlanadi. Shu kuni to'lin oy yana Antares yulduzini to'sib qo'yadi.
Ushbu hodisani Janubiy Amerika va Avstraliya aholisi kuzatishi mumkin bo'ladi. Astronomlarning ta'kidlashicha, bunday hodisalarni oddiy ko'z bilan yoki durbin yordamida ko'rish mumkin.
Izohlar 0
…