Xiaomi Myunxen shahrida yangi tadqiqot markazini ochdi
Xiaomi Auto Germaniyaning Myunxen shahrida o'zining yangi ilmiy-tadqiqot markazini ishga tushirdi. Mazkur markaz brendning 2027-yilda Yevropa bozoriga chiqish strategiyasining bir qismi bo'lib, yuqori unumdorlikka ega premium elektromobillar yaratishga xizmat qiladi. Loyihaga BMW, Porsche va Mercedes-Benz kabi nufuzli kompaniyalarning tajribali mutaxassislari jalb etilgan. Yevropalik muhandislar ishtirokida tayyorlangan ilk model — "SU7 Ultra" krossoverining yuqori quvvatli versiyasi shu yilning may oyi oxirida sotuvga chiqishi kutilmoqda.
Xitoyning "Xiaomi Auto" kompaniyasi Germaniyaning Myunxen shahrida o'zining Yevropadagi ilmiy-tadqiqot markazini ishga tushirdi. Ushbu markaz brendning elektromobillar bozoridagi mavqeini mustahkamlash va 2027-yilga rejalashtirilgan Yevropa bozoriga chiqish strategiyasining bir qismi hisoblanadi. Bu haqda Ixbt.com xabar beradi.
Yangi markazda 50 ga yaqin mutaxassis faoliyat yuritmoqda. Unga ilgari "BMW" kompaniyasining poyga avtomobillari loyihasida ishlagan Rudolf Dittrix rahbarlik qilmoqda.
Shuningdek, avtomobillarning dinamik xususiyatlarini ishlab chiqishga "BMW"ning yana bir tajribali xodimi Klaus-Diter Groll mas'ul etib tayinlandi.
Kompaniya bosh direktori Ley Szyun Pekin avtosalonida ma'lum qilishicha, markaz yuqori unumdorlikka ega avtomobillar, premium dizayn va ilg'or texnologiyalar ustida ishlaydi. Jamoa tarkibiga "BMW", "Porsche", "Lamborghini" va "Mercedes-Benz" kabi nufuzli brendlarda tajriba orttirgan muhandis va dizaynerlar jalb etilgan.
Yevropalik mutaxassislar ishtirokida yaratilgan ilk model "SU7 Ultra" krossoverining yuqori quvvatli versiyasi bo'ladi. Ushbu elektromobil may oyi oxirida sotuvga chiqishi kutilmoqda.
"Xiaomi" ushbu model orqali yuqori texnologiyali va premium segmentdagi o'rnini mustahkamlashni maqsad qilgan.
Izohlar 0
…