Rossiyada VPN o'chirilishi ustidan shikoyat qilish imkoniyati yaratiladi
Rossiyaning "Davlat xizmatlari" portalida VPN xizmatini o'chirish haqidagi asossiz bildirishnomalar ustidan shikoyat qilish imkoniyati yaratiladi. Raqamli rivojlanish vazirligi ushbu yangi funksiya tizimdagi xatolarni tezroq aniqlash va bartaraf etishga yordam berishini ma'lum qildi. Hozirda ko'plab platformalar xavfsizlik maqsadida VPN orqali kirishni cheklayotgan bo'lsa-da, foydalanuvchilar asossiz bloklanishlar yuzasidan tegishli xizmatlarga murojaat qilishlari mumkin bo'ladi.
Rossiyaning «Davlat xizmatlari» portalida yaqin vaqt ichida foydalanuvchilar uchun yangi funksiya ishga tushiriladi. Endilikda fuqarolar tizim tomonidan VPN xizmatini o'chirish haqida keladigan asossiz bildirishnomalar ustidan shikoyat qilishlari mumkin bo'ladi. Bu haqda Ixbt.com xabar beradi.
Raqamli rivojlanish vazirligi ma'lumotlariga ko'ra, ushbu vosita servislar ishida yuzaga kelayotgan xatolarni tezroq aniqlash va bartaraf etishga yordam beradi. Ko'plab mahalliy platformalar VPN ulanishi aniqlanganda xavfsizlik nuqtai nazaridan kirishni cheklab qo'ymoqda.
Vazirlik vakillari foydalanuvchilarga VPN ishlatilmagan holatda ham kirish bloklangan bo'lsa, tegishli xizmatlarning qo'llab-quvvatlash bo'limiga murojaat qilishni tavsiya etmoqda. Bunday cheklovlar ma'lumotlarni kiberhujumlardan himoya qilish maqsadida joriy etilgan.
Mutaxassislarning fikricha, aksariyat VPN servislari shaxsiy ma'lumotlar maxfiyligini to'liq kafolatlamaydi. Shu sababli davlat va tijorat platformalari o'z xavfsizlik siyosatini kuchaytirib bormoqda.
Izohlar 0
…