SpaceX kompaniyasi Starship raketasining navbatdagi sinov bosqichiga yaqinlashmoqda. Flight 12 parvozi 2026 yilning may oyidan keyin amalga oshirilishi mumkin. Bu haqda Ixbt.com xabar beradi.
Asosiy yangilik sifatida Raptor 3 dvigatellari o'rnatiladi.
Jarsy Research ma'lumotlariga ko'ra, Starship tizimining to'liq yig'ilishi qariyb 100 million dollarga tushadi. Yuqori pog'ona 20-30 million dollar, Super Heavy tezlatkichi esa 30-40 million dollar atrofida baholanmoqda.
Shuningdek, 39 ta Raptor dvigateli to'plami taxminan 39 million dollarni tashkil etadi. Yoqilg'i va boshqa materiallar uchun 2 million dollargacha mablag' sarflanadi.
Bir martalik parvozda 100 tonna yuk ko'tarish qobiliyati bilan bir kilogramm yuk uchun xarajat 900-1010 dollarni tashkil qiladi. Agar raketa 20 martadan ortiq qayta ishlatilsa, bu ko'rsatkich 115-125 dollargacha pasayishi mumkin.
Bu loyihani kosmik parvozlar narxini arzonlashtirish bo'yicha eng istiqbolli dasturlardan biriga aylantiradi.
Super Heavy Booster 19 birinchi marta eng yangi Raptor 3 dvigatellari bilan jihozlandi. Ushbu dvigatel oldingi avlodga nisbatan yuqori tortish kuchi va yengil vaznga ega.
Tashqi issiqlik himoyasi yo'qligi sababli uni ishlab chiqarish to'rt barobar arzonlashgan.
AQSh Federal aloqa komissiyasi Starship raketasining 13-parvozi uchun radiochastotalardan foydalanishga ruxsat berdi. Ushbu parvozda Super Heavy B20 va Starship S40 prototiplari ishtirok etadi.
“Zamin”ni Telegramʻda oʻqing!
