So'nggi haftalarda aviakompaniyalar may oyidagi reyslarda qariyb 2 millionta yo'lovchi o'rnini qisqartirdi. Umumiy taklif 132 milliondan 130 million o'ringa tushib ketdi. Bu haqda Ixbt.com xabar beradi.
Bunga yoqilg'i narxining keskin oshishi va logistika muammolari sabab bo'ldi.
Hurmuz bo'g'ozi atrofidagi vaziyat keskinlashgani ortidan aviayoqilg'i narxi ko'tarilishi asosiy omilga aylandi. Oqibatda tashuvchilar reyslarni ommaviy bekor qilishni yoki samolyotlarni kichikroq sig'imlilariga almashtirishni boshladi.
Yevropa va Osiyo o'rtasidagi yo'nalishlar eng ko'p zarar ko'rdi. Xususan, "Lufthansa" maydan oktyabrgacha bo'lgan davrda 20 mingga yaqin reysni bekor qilib, parvozlar dasturini qisqartirdi.
Osiyo aviabog'lamalaridagi cheklovlar va ayrim mamlakatlarda yoqilg'i me'yorlanishi vaziyatni yanada murakkablashtirmoqda. Bu jahon aviatsiya bozorida talab va taklif o'rtasidagi sezilarli nomutanosiblikka olib keldi.
“Zamin”ni Telegramʻda oʻqing!
