Samsung kompaniyasi o‘zining Device Care ilovasini yangilab, unda «Intelligent Blocking» (Intellektual bloklash) funksiyasini taqdim etdi. Ushbu yangilik foydalanuvchilarni bezovta qiluvchi spam va keraksiz marketing bildirishnomalarini avtomatik tarzda cheklashga mo‘ljallangan. Bu haqda Ixbt.com xabar beradi.
Device Care 13.8.80.7 versiyasida joriy etilgan tizim ilovalardan kelayotgan xabarlarni tahlil qiladi. Agar biron-bir dastur haddan tashqari ko‘p reklama xabarlarini yuborsa, smartfon uni avtomatik ravishda «chuqur uyqu» rejimiga o‘tkazadi. Natijada, ushbu ilova bildirishnomalar yuborish imkoniyatini yo‘qotadi.
Samsung mutaxassislari texnologiya hali mukammal emasligini tan olishmoqda. Algoritmlar ba’zida foydali xabarlarni ham reklama deb xato qabul qilishi mumkin. Shu sababli, foydalanuvchilarga Device Care sozlamalari orqali ilovalarni qo‘lda blokdan chiqarish imkoniyati qoldirilgan.
Hozirgi vaqtda Intelligent Blocking funksiyasi faqat One UI 8.5 qobig‘iga ega qurilmalarda mavjud. Bu yangilik birinchi bo‘lib Galaxy S26, Galaxy S26+ va Galaxy S26 Ultra modellarida taqdim etiladi. Garchi yangi versiya APK-fayllar orqali o‘rnatilishi mumkin bo‘lsa-da, global reliz yana bir necha hafta vaqt olishi kutilmoqda.
“Zamin”ni Telegramʻda oʻqing!
