AQSh prezidenti Donald Trampning maʼlum qilishicha, Xitoy Boeing kompaniyasiga tarixidagi eng yirik buyurtmalardan birini joylashtirish arafasida turibdi. Kelishuv dastlabki bosqichda 200 dan ortiq samolyot yetkazib berishni nazarda tutadi. Bu haqda Ixbt.com xabar beradi.
Agar hamkorlik muvaffaqiyatli kechsa, tomonlar shartnomani 750 ta havo kemasigacha kengaytirish imkoniyatini koʻrib chiqmoqda. Ushbu bitim nafaqat samolyotlar, balki General Electric dvigatellarini ham oʻz ichiga oladi.
Dastlabki 200 ta samolyot uchun 400–450 ta dvigatel yetkazib berilishi rejalashtirilgan. Kelgusida buyurtmalar hajmi oshishi bilan dvigatellarga boʻlgan talab ham mutanosib ravishda oʻsishi kutilmoqda.
Hozircha Xitoy aynan qaysi modellarni tanlagani rasman ochiqlanmagan. Biroq, avvalroq Boeing 737 MAX samolyotlari hamda keng fyuzelyajli laynerlar xaridi boʻyicha muzokaralar olib borilayotgani haqida xabarlar tarqalgan edi.
“Zamin”ni Telegramʻda oʻqing!
