Yerda magnit boʻroni kuzatilmoqda: geomagnit maydonidagi oʻzgarishlar Moskva vaqti bilan soat 15:00 dan keyin qayd etildi. Hozirgi vaqtda boʻron G1 darajasidagi kuchsiz toifaga mos keladi. Bu haqda Ixbt.com xabar beradi.
Yer magnit maydonidagi mazkur tebranishlar hafta oxirigacha davom etishi mumkin. Eng sezilarli oʻzgarishlar bugun va shanba kuniga toʻgʻri kelishi kutilmoqda, bunda G1–G2 darajasidagi kuchsiz va oʻrtacha magnit boʻronlari yuzaga kelishi ehtimoli bor.
Bu 2026-yilning may oyidagi ikkinchi magnit boʻronidir: birinchisi 4-5-may kunlari qayd etilgandi. Eslatib oʻtamiz, 10-may kuni Quyoshda M5.7 darajasidagi kuchli chaqnash sodir boʻlgan edi, bu eng yuqori X ball chegarasining qariyb 57 foizini tashkil etadi.
Mazkur hodisaning eng taʼsirli qismi noodatiy darajada katta plazma otilishi boʻldi. Uning asosini bir necha million kilometrga choʻzilgan ulkan protuberanets tashkil etdi.
“Zamin”ni Telegramʻda oʻqing!
