Elon Muskga tegishli SpaceX kompaniyasi o‘z aksiyalarini birja savdolariga chiqarishga tayyorgarlik ko‘rmoqda. Reuters agentligi xabariga ko‘ra, kompaniya Nasdaq maydonchasini tanlagan va dastlabki rejalardan farqli o‘laroq, jarayonni tezlashtirgan. Bu haqda Ixbt.com xabar beradi.
Manbalarga ko‘ra, SpaceX aksiyalari SPCX tiker nomi ostida sotuvga chiqadi. Kompaniya emissiya prospektini kelgusi chorshanba kuni e’lon qilishi, aksiyalarni sotish esa 11-iyundan boshlanishi kutilmoqda. Dastlab bu jarayon iyun oyi oxiriga, ya’ni Elon Muskning tug‘ilgan kuniga mo‘ljallangan edi.
AQSh Qimmatli qog‘ozlar va birjalar komissiyasi (SEC) hujjatlarni kutilganidan tezroq tekshirib chiqqani sababli muddatlar qisqartirildi. Bu yilgi IPO bozori uchun eng muhim voqealardan biri hisoblangan ushbu qadam, OpenAI va Anthropic kabi sun’iy intellekt sohasidagi gigantlar uchun ham namuna bo‘lishi mumkin.
Shu bilan birga, SpaceX korporativ boshqaruvning yangi siyosatini qabul qildi. Ushbu o‘zgarishlar aksiyadorlar huquqlarini himoya qilishning odatiy mexanizmlarini chetlab o‘tib, Elon Muskga kompaniya ustidan deyarli cheksiz nazorat va boshqaruv vakolatlarini taqdim etadi.
“Zamin”ni Telegramʻda oʻqing!
