Internetda iPhone 18 Pro va iPhone 18 Pro Max modellari uchun moʻljallangan ilk himoya gʻiloflari tasvirlari paydo boʻldi. Ushbu aksessuarlar dizayni smartfonlarning yakuniy koʻrinishini deyarli toʻliq takrorlaydi. Maʼlum boʻlishicha, qurilmalarning asosiy kamerasi gorizontal blok koʻrinishida saqlanib qolgan. Bu haqda Ixbt.com xabar beradi.
Yangi smartfonlarda MagSafe simsiz magnit quvvatlash texnologiyasi oʻz oʻrnida qoladi. Korpus materiali sifatida yaxlit alyuminiy qotishmasidan foydalanilishi kutilmoqda, kamera qismi esa Ceramic Shield himoya qatlami bilan qoplanadi. Qurilmalar avvalgi avlodga nisbatan qalinroq boʻladi: iPhone 18 Pro Max qalinligi kamera chiqigʻi bilan birga 13,77 mm ni tashkil etadi.
Qalinlikning oshishi yanada yirikroq foto-modul va takomillashtirilgan optika oʻrnatilganidan dalolat beradi. Smartfonlar toʻrt xil rangda taqdim etiladi, ulardan biri yangi Dark Cherry tusidir. Shuningdek, qurilmalar TSMC kompaniyasining 2-nanometrli texnologiyasi asosida yaratilgan A20 Pro chipi bilan jihozlanishi kutilmoqda. Rasmiy taqdimot sentyabr oyiga rejalashtirilgan.
“Zamin”ni Telegramʻda oʻqing!
