Kuchli oʻyin smartfoni RedMagic 11S Pro xalqaro bozorga chiqishga tayyorlanmoqda. Qurilmaning global versiyasi uchun rasmiy taqdimot 27-may kuniga belgilangan. Bu haqda Ixbt.com xabar beradi.
Oldindan buyurtmalar iyun oyining boshidan qabul qilinishi kutilmoqda, sotuvlar esa taxminan 9-iyundan boshlanadi. Garchi global narxlar hali eʼlon qilinmagan boʻlsa-da, Xitoy bozorida smartfon 810 dollardan boshlanadigan narxda sotilmoqda.
Global model oʻzining texnik imkoniyatlari bilan ajralib turadi. U tezlashtirilgan Snapdragon 8 Elite Gen 5 Leading Version protsessori, daqiqasiga 24 000 aylanish tezligiga ega faol sovutish tizimi va 144 Hz yangilanish tezligiga ega AMOLED ekran bilan jihozlangan.
Shuningdek, smartfon 7500 mAs sigʻimli akkumulyator va 80 W quvvatda tezkor quvvatlash texnologiyasini qoʻllab-quvvatlaydi. IPX8 himoya standarti esa qurilmani suv va chang taʼsiridan ishonchli himoya qiladi.
“Zamin”ni Telegramʻda oʻqing!
