Janubiy Koreyaning Hardkernel kompaniyasi oʻzining yangi mahsuloti — Odroid-H5 bir platalı kompyuterini rasman namoyish etdi. Ushbu qurilma Intel Core i3-N300 protsessori asosida ishlab chiqilgan boʻlib, u ixcham oʻlchamdagi mini-server vazifasini bajarishga moʻljallangan kuchli yechim sifatida talqin qilinmoqda. Bu haqda Ixbt.com xabar beradi.
Plataning asosiy oʻziga xos jihati shundaki, unda M.2 toʻplagichlari uchun toʻrtta slot hamda 10 gigabitli RJ45 tarmoq porti mavjud. Bu esa maʼlumotlarni yuqori tezlikda almashish va katta hajmdagi fayllarni saqlash imkonini beradi.
Texnik xususiyatlariga koʻra, Odroid-H5 bitta DDR5 SO-DIMM operativ xotira sloti, eMMC uchun kontakt maydonchasi, bitta HDMI 2.0 va ikkita DisplayPort 1.2 portlari bilan jihozlangan. Shuningdek, qurilmada uchta 480 Mbit/s tezlikdagi USB, bitta 5 Gbit/s tezlikdagi USB porti va 24 kontaktli koʻp funksiyali kengaytirish interfeysi mavjud.
Qurilmaning gabarit oʻlchamlari 120 x 120 mm ni tashkil etadi. Hozirda ushbu bir platalı kompyuterning Xitoy bozoridagi narxi taxminan 1200 yuan yoki 175 AQSH dollari atrofida ekani maʼlum qilindi.
“Zamin”ni Telegramʻda oʻqing!
