14:11 / 08.10.2015
6 229

Microsoft Lumia 950 va 950 XL flagmanlari rasman taqdim etildi

Microsoft Lumia 950 va 950 XL flagmanlari rasman taqdim etildi
Microsoft kompaniyasi Windows 10 Mobile mobil operasion tizimida ishlovchi eng yangi Lumia 950 va 950 XL flagmanlarini rasman taqdim etdi. Bu haqda “Hi-tech.mail.ru”ga asoslanib “Daryo” nashri xabar bermoqda.

Lumia 950 XL 5,7 dyuymli va 2560×1440 pikselli displey, sakkiz yadroli Qualcomm Snapdragon 810 prosessori, 32 GB doimiy va 3 GB tezkor xotira, 3340 mA/soat sig‘imli akkumulyatorga ega bo‘ldi. Lumia 950’ga esa 5,2 dyuymli va 2560×1440 pikselli displey, olti yadroli Snapdragon 808 prosessori, 20 megapikselli asosiy va 5 megapikselli old kamera, 32 GB doimiy va 3 GB tezkor xotira, 3000 mA/soat sig‘imli akkumulyator o‘rnatilgan.

Tezkorlik bilan quvvat olish funksiyasi smartfonni 30 daqiqada 50 foiz zaryadlash imkonini beradi. Flagmanlarda Windows Hello funksiyasi ham bo‘lib, u gadjetning egasini tanib olish uchun xizmat qiladi.

Lumia 950 va 950 XL tegishli ravishda 549 va 649 dollar turadi va noyabrda sotuvga chiqadi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » Microsoft Lumia 950 va 950 XL flagmanlari rasman taqdim etildi
[/banner_pushhouse