1 893
Yirik shaharlardagi tirbandliklarni haydovchisiz kapsula yordamida bartaraf etish taklif qilindi (video)
Foto: New Deal Design
Kaliforniyadagi New Deal Design dizayn-studiyasi dunyoning yirik shaharlarini tirbandliklardan xalos etishning yangi usulini taklif etdi — telefondagi dastur yordamida chaqirish mumkin bo‘lgan haydovchisiz boshqariladigan Rolla kapsulasi. Ularning fikricha, ixcham qurilma shaharlar uchun juda mos keladi va u hatto an’anaviy transport vositalari o‘rnini egallashi mumkin, deb yozadi Motor.
Rolla to‘liq elektrlashtirilgan avtonom kapsula bo‘lib, unga to‘rtta kichkina g‘ildirak o‘rnatilgan. E’lon qilingan videoga ko‘ra, uning o‘lchami lift kabi va ikki yo‘lovchiga mo‘ljallangan, biroq uning eshiklari yo‘q. Ochiq salonda o‘rindiqlar ham mavjud emas, ammo to‘rtta tutqich va turli xabarlar, vaqt va marshrut tasvirlanadigan katta displey joylashgan.
Rolla’dan avtobus o‘rnida foydalanish mumkin: bu kabi holatda oldindan dasturlashtirilgan marshrut bo‘yicha harakatlanuvchi kapsulani qo‘lni ko‘targan holda to‘xtatish mumkin. Salondan chiqish uchun maxsus tugmadan foydalaniladi. Shuningdek, qurilmani mobil dastur yordamida shaxsiy safarlar uchun ham chaqirish mumkin.
Yoritish ranglari foydalanish usuliga bog‘liq: taksi-kapsulalar binafsharang bilan yoritilgan, jamoat transportida xizmat qiluvchilari esa sariq, korporativ avtoparklarniki — ko‘k. Diod panellari old va orqa tarafda joylashgan bo‘lib, ular fara va burilish chiroqlari bilan jihozlangan.
Rolla — faqat konsept ko‘rinishida, biroq kelajak jamoat transporti borasidagi tasavvurlarni berishga qodir. Texnik jihatlari noma’lum, ammo ochiq kapsulaning maksimal tezligi u qadar yuqori emas — unda tez harakatlanish xavfsiz emas. Bundan tashqari, Rolla’dan sovuq iqlimli, yomg‘irli va yo‘llari yomon davlatlarda foydalanib bo‘lmaydi.
Avvalroq Britaniyada 2030 yilga mo‘ljallangan samolyot kabi boshqariluvchi elektrogiperkar konsepti taqdim etilgani to‘g‘risida xabar berilgandi.
Foto: New Deal Design
Foto: New Deal Design
Foto: New Deal Design
Foto: New Deal Design “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
Fransiyalik taniqli aktyor Jerar Deparde jinsiy tajovuzda ayblab, hibsga olindi
Sharmandaga shahar keng
Prezident AQSH, Xitoy va Yevropaning yetakchi kompaniyalari rahbarlarini qabul qildi
Gruziya poytaxtida namoyishchilar va politsiya o‘rtasida to‘qnashuv yuz berdi
U-23 Osiyo kubogi. Norchayev finalda gol ursa, to‘purar bo‘lishi mumkin
O‘zbekistonlik jangchi UFC reytingida top-darajaga ko‘tarilganidan keyin nimalar dedi?