Foto: Wday
Hayvon yog‘larini o‘z ichiga olgan oziq-ovqat mahsulotlarini haddan tashqari ko‘p iste’mol qilish bilan qon tomirlarining ichki devorlarida xolesterin cho‘kindisi hosil bo‘ladi. Natijada qonda ozuqa moddalari va kislorod kam miqdorda organizm to‘qimalarining hujayralariga yetib boradi. Tomirlar zararli quyqalardan tozalangandan so‘ng, qon organizmda erkin aylanadi va to‘g‘ri rejimda ishlay boshlaydi, deb yozadi Wday.
Sarimsoq va limon bilan tomirlarni tozalash
Sarimsoq antisklerotik xususiyatlarga ega mashhur xalq vositasidir. Sarimsoq qon tomirlarini yaxshi tozalashga imkon beradi, xolesterin cho‘kindilari va tuzlarini eritadi, mikroblar va viruslarni yo‘q qiladi. Uning tarkibida trombotsitlar sonini normallashtiradigan va qon ivishining ko‘payishiga to‘sqinlik qiluvchi adenozin mavjud.
Sarimsoqni maydalashdan 15 daqiqa o‘tib, undan foydalanish mumkin. Unda sodir bo‘ladigan sog‘liq uchun foydali moddalarning faolligini rag‘batlantiradigan fermentativ reaksiyalar uchun shuncha vaqt kerak bo‘ladi. Sarimsoq 3 oy davomida iste’mol qilinsa, xolesterin cho‘kindilari miqdori 12-20 foizga kamayadi.
Sarimsoq, limon va asalda ko‘plab shifobaxsh moddalar mavjud bo‘lib, ular aterosklerozdan ta’sirlangan tomirlarni tozalaydi, shuningdek, ularning devorlarining elastikligini oshiradi.
Qon tomirlarini xolesterin cho‘kindilaridan tozalash uchun 4 ta limon qobig‘i bilan 4 ta tozalangan sarimsoq kerak bo‘ladi. Ular go‘sht maydalagichdan o‘tkaziladi va toza 3 litrli idishga solib, iliq qaynatilgan suv to‘ldiriladi. Massa vaqti-vaqti bilan aralashtiriladi. U xona haroratida uch kunga qoldiriladi. Shundan so‘ng damlama muzlatkichga yoki boshqa sovuq joyga qo‘yiladi.
Tayyor sarimsoq-limon damlamasini kuniga 3 marta 100 grammdan ichish tavsiya etiladi. Tomirlarni tozalashning bunday kursi taxminan 40 kun davom etadi. Buni yiliga bir marta qilish kerak. Kurs oxirida qon bosimi me’yorlashadi, bosh og‘rig‘i yo‘qoladi, xolesterin darajasi pasayadi.
Yong‘oq yordamida tomirlarni qanday tozalash kerak?
Qon tomirlarini xolesterin cho‘kindilaridan tozalash uchun boshqa usullar ham mavjud. Misol uchun, yong‘oq yordamida. Ayniqsa, bu maqsadda ularning yuqori qobig‘i foydalidir. Biroq tomirlarni tozalash uchun yong‘oq mevasidan ham foydalanish mumkin.
1,5 kilogramm tozalangan yong‘oq go‘sht maydalagichdan o‘tkaziladi. Massa muzlatkichda yoki boshqa salqin joyda qoldiriladi va kuniga 2 marta 1 osh qoshiqda ertalab va kechqurun, ovqatdan 30 daqiqa oldin 100 ml suv bilan ichiladi.
Tayyor asal-yong‘oq massasi kuniga 4 marta, 1 osh qoshiqdan iste’mol qilinadi. Ushbu tozalash usulining kursi 1 oy. Qon tomirlarini yong‘oq bilan tozalash kursidan so‘ng qon bosimi me’yorlashadi, migrenlar yo‘qoladi, varikoz tomirlari va tromboflebitdan kelib chiqqan og‘riqlar bartaraf etiladi. Ushbu tozalash kursi yiliga 1-2 marta o‘tkazilishi kerak.
Tomirlarni tozalashning tibetcha usuli
100 gramm dalachoy, moychechak, qayin kurtaklari, bo‘znoch giyohlari aralashtiriladi. Hammasi maydalanib, idishga solinadi. Kechqurun 1 osh qoshiq aralashmaga 0,5 litr qaynoq suv quyilib, 20 daqiqaga qoldiriladi va mato orqali siqib olinadi. Yotishda va nonushtadan 15-20 daqiqa oldin asal bilan aralashtirilib, ichiladi. Tayyorlangan aralashma tugaguncha har kuni bu jarayon takrorlanadi. Tozalash kursi 5 yilda takrorlanishi mumkin.
Bunday vosita qon tomirlarini yanada elastik qiladi, ularni tozalaydi, metabolizmni yaxshilaydi va bosh aylanishini bartaraf etadi. U nafaqat qonni tozalash, balki qarish, organizmning himoya kuchlarini kamaytirish, yurak-qon tomir tizimi kasalliklari, metabolizmni yaxshilash va gipertoniya va aterosklerozning oldini olish uchun ham qo‘llaniladi.
Xolesterin cho‘kindilarini tozalashning ko‘plab usullari mavjud, shu jumladan dorilar yordamida. Biroq har bir usulning o‘ziga xos nojo‘ya ta’siri borligini unutmaslik kerak, shuning uchun shifokor bilan maslahatlashish tavsiya etiladi.
Qonda xolesterin miqdorini kamaytirish uchun qanday ovqatlanish kerak?
Xolesterin cho‘kindilari asosan hayvonot mahsulotlarini haddan tashqari ko‘p iste’mol qilish tufayli paydo bo‘ladi: sariyog‘, yog‘li go‘sht, sutli ovqatlar va boshqalar. Shunga ko‘ra, tomirlardagi cho‘kindilarni tozalash uchun ratsionni qayta ko‘rib chiqish talab qilinadi.
Ratsion past tuzli va kaloriyali mahsulotlarga asoslangan bo‘lishi kerak. Ratsionning 70 foizi meva, rezavor va sabzavotlar, 20 foizi oson hazm bo‘ladigan oqsil bo‘lishi organizm uchun foydali. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
