Har bir inson hayoti davomida baʼzan vaqtida uxlashga qiynaladi. Bunga stress, haddan tashqari charchash, taʼtilsiz ishlash va shovqinli muhit ham sabab bo‘lishi mumkin.
Foto: Shutterstock
Agar uyqusizlik surunkali bo‘lsa, bu ko‘plab muammolarni keltirib chiqaradi. Ayniqsa, organizmda zaiflik, asabiylashish, diqqatni jamlashni uddalay olmaslik kabi holatlar kuzatiladi. Shunday vaziyatda shifokorlar magniy preparatini qo‘shimcha tarzda ichishni buyuradi.
Magniy energiya ishlab chiqarish, asab tizimi faoliyati, qon bosimini tartibga solish va glyukoza miqdorini nazorat qilishda ishtirok etadigan muhim mineraldir. Inson organizmida taxminan 25 mg magniy mavjud bo‘lib, uning 50-60 foiz qismi suyaklarda, qolgani yumshoq to‘qimalarda joylashadi. Qon tarkibida magniy bir foizdan kam miqdorni tashkil qiladi.
Magniyni bir kunda qancha isteʼmol qilish yosh va jinsga qarab farqlanadi. 19-30 yoshdagi erkaklar kuniga 400 mg, ayollar esa 310 mg magniy qabul qilishi mumkin. Ehamine tibbiyot portali mutaxassislari aytishicha, insonlar magniyni oziq-ovqatdan yetarli miqdorda qabul qilmaydi. Uning tanqisligi qand kasalligi, yurak-qon tomir, metabolik kasalliklar va osteoporoz kabilarga olib keladi.
Magniy preparatlari uyquni yaxshilashga yordam beradimi?
Foto: iStock
Magniy uyqu-uyg‘onish siklini tartibga solishga va tunda osuda dam olishga yordam beradi. Uyqusizlikka chalingan keksa odamlarda o‘tkazilgan tadqiqot natijalariga ko‘ra, magniy uyquga ketish vaqtini 17 daqiqaga qisqartiradi. Ammo tungi uyqu sifatiga hech qanday taʼsir ko‘rsatmaydi.
Boshqa bir tadqiqotda ishtirokchilar bezovta oyoqlar sindromiga chalingan edi. Magniyni qabul qilish ularda tungi uyg‘onishlar sonini kamaytirishga yordam berdi.
Xulosa qilganda, magniy asosan harakat tizimi buzilganlarga uyquda yordam beradi deyish mumkin. Ushbu modda boshqa sabablar tufayli uyqusizlikka chalinganlarga kor qiladimi yoki yo‘q — fanga hozircha nomaʼlum.
Magniy defitsiti nimadan kelib chiqadi?
- oshqozon-ichak kasalliklari;
- II toifa qandli diabet;
- spirtli ichimliklarga qaramlik;
- keksa yoshdagi insonlarda magniy tanqisligi kuzatiladi.
Magniy gipertonik insonlarga ham foydalidir, chunki mazkur mineral qon bosimini pasaytiradi.
Qarshi ko‘rsatmalar
Magniyni o‘z ichiga olgan dori-darmonlarga allergiya kuzatilsa, uni qabul qilishni darhol to‘xtatish kerak. Shuningdek, buyrak kasalliklari bilan og‘rigan shaxslarga magniyni qo‘shimcha tarzda ichish mumkin emas. Preparatdan allergik reaksiyalar: yuz va tomoqda shish, qizarish, qichishish kabilar kuzatilganda zudlik bilan tez yordam chaqirish lozim.
Magniyning homiladorlar va chaqaloqlarga qanday taʼsir qilishi nomaʼlum
Homiladorlikni rejalashtirayotganlar va bo‘lajak onalar shifokor bilan maslahatlashmasdan magniyni o‘zboshimchalik bilan qabul qilishi man etiladi.
Magniyning dori vositalari bilan o‘zaro taʼsirlashuvi
Foto: Shutterstock
Magniyning sunʼiy shakli baʼzi dorilarning taʼsirini susaytirishi mumkin. Antibiotik va osteoporozga qarshi dori qabul qilayotgan bemor magniy ichish kursini boshlashdan avval shifokorni bundan ogohlantirishi muhim. Quyidagi dori vositalari bilan magniyni qabul qilish mumkin emas:
- Penitsillamin;
- Tetratsiklin;
- Doksitsiklin;
- Minotsiklin;
- Siprofloksatsin;
- Levofloksatsin;
- Lomefloksatsin;
- Moksifloksatsin;
- Norfloksatsin;
- Ofloksatsin;
- Alendronate;
- Ibandronat;
- Rizedronat;
- Tiludronat.
Biologik faol qo‘shimchalar tarkibidagi magniy ham xavfli bo‘lishi mumkin, chunki BFQ ishlab chiqarish jarayoni dori vositalari kabi jiddiy nazorat qilinmaydi. Shuning uchun preparat idishida yozilgan faol moddaning miqdori aslida farq qilishi mumkin.
Organizmda magniy miqdorini oshiruvchi tabiiy mahsulotlar
Foto: Dzen
Organizm oziq-ovqat bilan isteʼmol qilinadigan magniyning taxminan 30-40 foizini o‘zlashtiradi. Ushbu mineral miqdorini oshirish uchun bodom, yeryong‘oq, keshyu, qovoq urug‘i, loviya, soya suti, ismaloq, oq kartoshka, jigarrang guruch, losos, mol go‘shti, banan, mayiz, qora shokolad (kamida 70 foiz kakaoli), sut, olma, sabzi, tabiiy yogurt kabi oziq-ovqat mahsulotlarini isteʼmol qilish tavsiya etiladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Kim Chen In harbiylarni jangovar holatda turishga chaqirdi
22 noyabr kuni Cobalt avtomobiliga shartnoma ochilishi e’lon qilindi
Dunyoning mashhur ayollari kunni qanday boshlaydi?
Xonanda Ruxshona uylanmagan yigitga turmushga chiqqani haqida so‘zlab berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Ikki tumanning hokim yordamchilari qo‘lga tushdi
Xitoyda markazida bog‘ bo‘lgan 270 metrli osmono‘par bino quriladi
