Ko‘p vitamin iste'mol qilish o‘limga olib borishi mumkin

Global vitamin va mineral qo‘shimchalari bozori 32,7 milliard dollarga baholanadi. AQSh va Buyuk Britaniyada aholining katta qismi sog‘lig‘ini yaxshilash maqsadida bunday mahsulotlarni iste’mol qiladi. Ammo mutaxassislar ularning zarurligi bo‘yicha bir to‘xtamga kelmagan.

Vitamin va minerallar tanada ishlab chiqarilmaydi, ammo sog‘liq uchun muhimdir. Ularni asosan meva-sabzavot, yong‘oq, sut mahsulotlari va baliqdan olish mumkin. Ammo tez tayyor taomlar va qayta ishlangan mahsulotlar tufayli ko‘p odamlar tavsiya etilgan miqdorda foydali oziq-ovqat iste’mol qilmaydi.

Ortiqcha vitamin iste’moli ham xavfli. Masalan, vitamin D ning haddan tashqari miqdori hushdan ketish, tutqanoq yoki o‘limga olib kelishi mumkin. Chekuvchilar orasida beta-karotin qo‘shimchalari o‘pka saratoni xavfini oshirishi mumkin.

Ko‘plab mutaxassislar qishda quyosh nuri kam bo‘lganda vitamin D qabul qilishni tavsiya qiladi. Shuningdek, homilador ayollar uchun foliy kislotasi, baliq iste’moli kam bo‘lganlar uchun omega-3 qo‘shimchalari foydali bo‘lishi mumkin.