Shivit (ukrop) har bir o‘zbek oshxonasida uchraydigan ko‘katlardan biri. Uning nafaqat mazasi, balki salomatlik uchun qimmatli xosiyatlari ham bor. Ilmiy tadqiqotlar shundan dalolat bermoqda.
1. Hazm tizimini yaxshilaydi
Shivit tarkibidagi efir moylari ovqat hazm bo‘lishini yengillashtiradi, ichaklarda gaz yig‘ilishini kamaytiradi. Shu bois, oshqozon-ichak muammolarida tabiiy yordamchi hisoblanadi.
2. Qon bosimini nazorat qiladi
Shivit qon tomirlarni yopishqoq moddalardan tozalashga yordam berib, bosimni barqarorlashtiradi. Ayniqsa, yurak-qon tomir kasalliklarining oldini olishda samarali.
3. Immunitetni ko‘tarib beradi
Undagi vitamin S va antioksidantlar organizmni virus va bakteriyalarga qarshi chidamli qiladi. Qish va bahorda shamollashdan saqlanishda juda foydali.
4. Suyuklarni mustahkamlaydi
Shivit kalsiy va magniyga boy. Bu moddalar suyak va tishlarni mustahkam saqlaydi, suyak ichidan kalsiy chiqib ketishini (osteoporoz) sekinlashtiradi.
5. Asab tizimini tinchlantiradi
Shivitdagi efir moylari asablarni bo‘shashtiradi, uyquni yaxshilaydi. Tabiiy «tinchlantiruvchi dorivor» sifatida qo‘llaniladi.
“Zamin”ni Telegramʻda oʻqing!
