Quloq eshitish qobiliyati bilan birga muvozanatni ham boshqaradi. Shuning uchun uning sog‘lom bo‘lishi kundalik hayotda juda muhim. Baland ovozli joylarda uzoq vaqt qolish yoki quloqchinlardan ko‘p foydalanish eshitish qobiliyatiga salbiy ta’sir ko‘rsatadi.
Mutaxassislar ovoz balandligini cheklash va quloqchindan foydalanishda tanaffus qilishni maslahat berishadi. Shuningdek, quloqni paxta tayoqchalari bilan chuqur tozalash xavfli bo‘lishi mumkin, chunki u quloq pardasiga zarar yetkazadi.
Quloq salomatligini saqlashda sovuqdan himoyalanish ham muhim. Shamolli ob-havoda bosh kiyim kiyish, suzishdan so‘ng quloqni yaxshilab quritish infekiyalarning oldini oladi.
Agar quloqda og‘riq, shovqin yoki eshitishda qiyinchilik sezilsa, shifokorga murojaat qilish zarur. Vaqtida ko‘rilgan choralar eshitish qobiliyatini saqlashga yordam beradi.
“Zamin”ni Telegramʻda oʻqing!
