Ko‘pchilik dasturxonidan joy olgan mayonez ta’mi bilan ko‘ngilni rom etsa-da, uning sog‘liq uchun ayrim zararli jihatlari ham bor. Ayniqsa, kundalik ovqatlanishda haddan tashqari ko‘p iste’mol qilinsa, bu mahsulot organizmga sezilarli ta’sir ko‘rsatishi mumkin.
Avvalo, mayonez juda yuqori kaloriyali mahsulot hisoblanadi. Uning tarkibida ko‘p miqdorda yog‘ va ba’zan shakar bo‘ladi. Natijada, ortiqcha iste’mol vazn ortishiga va semirishga olib keladi. Bu esa o‘z navbatida semizlik, yurak-qon tomir muammolari va metabolik buzilishlar xavfini oshiradi.
Yana bir muhim jihat — tarkibidagi zararli yog‘lar. Arzon yoki sifatsiz mayonezlarda trans yog‘lar uchrashi mumkin. Bu turdagi yog‘lar esa yurak-qon tomir kasalliklari rivojlanishiga sabab bo‘lishi mumkin. Shuningdek, qondagi “yomon” xolesterin miqdorini oshirib yuboradi.
Mayonez ko‘pincha tuzga ham boy bo‘ladi. Bu esa qon bosimini ko‘tarib, gipertoniya xavfini kuchaytiradi. Ayniqsa, katta yoshdagilar va bosim muammosi bor insonlar ehtiyot bo‘lishi kerak.
Do‘konlarda sotiladigan mayonez tarkibida konservantlar, stabilizatorlar va turli qo‘shimchalar ham bo‘lishi mumkin. Bu moddalar uzoq muddat davomida organizmga salbiy ta’sir ko‘rsatishi ehtimoli bor, ayniqsa allergiyaga moyil insonlar uchun.
Xulosa qilib aytganda, mayonezdan butunlay voz kechish shart emas. Ammo uni me’yorida iste’mol qilish, imkon qadar uy sharoitida tayyorlash yoki sifatli variantlarini tanlash sog‘liqni asrashda muhim ahamiyatga ega.
Mayonezni tayyorlash uchun uy sharoitida 4 ta mahsulot kerak bo'ladi. Bular:
- o'simlik moyi,
- tuxum,
- limon suvi,
- xantal pastasi (gorchitsa),
- tuz,
- shakar,
- murch.
Hammasini bir idishga solinadi va qo'l blendirda tuxumni ustini bosib yaxshilab ko'pirtiladi. natijada mazali mayonez tayyor bo'ladi.
“Zamin”ni Telegramʻda oʻqing!
